港男巴士遺失左耳AirPod 追蹤發現一支公出海!網民笑最後可能去非洲

文: 溫藹紅
2023.08.22

遺失耳機、AirPods等情況不時發生,但想尋回失物實屬不易。最近有港男分享,在乘坐巴士期間,遺失了單耳AirPod及充電盒,手機追蹤下發現該單耳AirPod,竟然「一支公」出海,對此表示欲哭無淚,有關經歷引來不少網民熱議,笑言「最後會唔會去咗非洲」!

港人工作生活繁忙,相信不少「大頭蝦」都曾試過掉失財物,近年有網民更透過建立Facebook「香港失物報失及認領群組」,發揮互助精神尋找失物,但部分情況則讓人愛莫能助。最近有男網民於該群組多次發文,指於今早乘搭由柴灣往中環巴士780P,在分域街下車,抵達公司後發現遺失了AirPods Pro左邊耳機,以及蠟筆小新充電盒。

事主中環遺失左邊耳機 追蹤定位顯示位處梅窩

他指自己坐該巴士上層中間段位置(窗口位),期望拾獲者可以聯絡本人。惟發帖約半小時後,他再次於群組發帖,稱「無希望啦,我隻左耳機已經離我而去啦」,並附上一張手機「尋找遺失的AirPods」頁面截圖。他估計「喺巴士跌俾人執起左」,但耳機定位卻令他大感無奈。

從相片可見,其隨身的右邊耳機位處中環民光街,但丟失的左邊耳機則位處「北太平洋」,地圖上更顯示左耳機已經「出咗海」,與右耳相隔甚遠,「我頭先去過碼頭搵架,㩒尋找響到爛都搵唔到佢」,再次打開定位已見左耳機抵達梅窩,連他本人都指「個衰仔去咗玩,唔記得主人啦」,可謂是苦中作樂。

網民哭笑不得:最後會唔會係非洲出現、節哀順變

單邊耳機一支公出海,隨即已引來一班網民留言。有網民直言「係唔係諗住執去梅窩變賣」、「最後會唔會係非洲出現」;亦有人對事主深感同情,斥「扔落海都吾比反(翻)你甘衰」,著事主「節哀順變」。目前Apple官方設遺失補購項目,若遺失AirPods Pro耳機補購價每隻$709;遺失AirPods Pro無線充電盒,每個補購價格則為$789,大家還是小心保管好為妙!

▼網民留言▼

▼事主貼文(原文)▼

尋找遺失的 Apple AirPods步驟

步驟1. 打開「尋找」App,點選「裝置」中的AirPods欄位。
步驟2. 地圖上會顯示單邊遺失的AirPod位置。
步驟3. 如果遺失2隻AirPods,可以再次整理「尋找」地圖,將會顯示另一隻AirPod位置。

資料及圖片來源:FB@香港失物報失及認領群組、Upsplash(示意圖)

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓