鑽石山$38片皮鴨港人斥唔老實?埋單才被告知要最低消費 食夠$1XX先有優惠「呃人入座」

文: 溫藹紅
2023.08.30

港人愛食片皮鴨,香港部分酒樓餐廳不時都有優惠,不過最近鑽石山一間知名食店推出$38片皮鴨,反被網民大鬧「唔老實」,指由於餐牌上未有標明最低消費要求,入座時亦未有職員提及規定,至結帳時店方才告知要食夠$150,方可享有$38片皮鴨優惠,令其大感錯愕,直斥根本是「呃人入座」!

最近有網民於Facebook群組「香港茶餐廳及美食關注組」發文分享,指於鑽石山知名人氣茶樓「紅X」食$38片皮鴨遭騙,「餐牌無寫最低消費,入座點餐唔講,食到差唔多想埋單同我講 唔食夠$150無優惠價片皮鴨」。

他續指,如若餐牌上有列明低消要求尚可接受,「係所有廣告餐牌都無寫,職員唔同你講,等你起左筷先突然同你講」,怒斥猶如被店方「呃入座」消費,深感不滿。他表示再回看地下大堂的易拉架廣告牌,「就細細張後加嘅貼子貼左最低消費」,但並非每個易拉架廣告都有貼,認為是誤導食客,更質疑「係咪叫做不良營銷?違反商品說明?」

從相片中可見,廣告牌上片皮鴨優惠上方貼了一張小卡紙,印上「每檯最低消費$150」的字眼,惟字體相當細小,不走近看幾乎是難以留意到。樓主強調「完全唔係錢銀上問題」,而是對於茶樓「不老實」的營銷手法感氣憤。

除了餐廳消費問題外,他亦提及茶樓的甜品質素參差,指在店內進食的芒果布甸「無味」,並形容「芒果係爛嘅,唔知杯野雪左幾耐」,大呻中伏指數達5粒星。「仲有呀,已經收左加一同茶錢,佢話碟前菜你食唔食都要收你錢,咁惡?」直言自己已經打「1823政府一線通」作出投訴。

事件引來網民留言討論,有網民表示「d字細隻到咁,要用放大鏡睇」、「根本呃人啫」、「做生意最緊要老老實實,你明碼實價我岩既就食唔岩就算」,認為有關手法相當「陰濕」;有人則指之前食過都覺得「好呃人」,「 叫左一隻片皮鴨原價好似成幾舊水,但得個10塊皮都沒,同埋得一隻髀」。大家又覺得呢?

資料及圖片來源:FB@香港茶餐廳及美食關注組

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓