中環咖啡店賣$835杯咖啡!網民不解:係咪全港最貴咖啡?欲招人夾錢買「試一啖」

文: 溫藹紅
2023.09.02

中環驚現$835杯咖啡!你飲過最貴的咖啡是幾錢?最近有網民於討論區分享,發現中環一間新開的咖啡店,出售不少貴價咖啡,但最貴竟然賣$835一杯,價位令不少網民感到震撼,更表示欲招人夾錢飲「想試一啖」,該咖啡到底是何方神聖?

日前有網民於連登討論區發帖,以「$835一杯精品咖啡係咪全港最貴」為題,分享一張咖啡店的外賣咖啡餐牌,並指「有冇人想好似Netflix 咁夾 想試一淡(啖)」,引來不少人留言討論。

根據樓主貼出的相片,該咖啡店為近日來港開業不久的「Bacha Coffee」,從咖啡餐牌上可見,店舖提供各款冷熱精品咖啡,售價最平的咖啡為$70一杯,其他款式由$95起至$270不等,但最貴則是以巴西咖啡豆製作的「Paraiso Gold Coffee Brazil」,一杯賣$835,價錢高昂得讓一般人咋舌!

翻查Bacha Coffee官網,咖啡品牌源自摩洛哥逾百年歷史的宮殿,於摩洛哥及新加坡均有開店,自上周起才正式登陸中環ifc,開設香港首間旗艦店,被譽為咖啡版的TWG Tea,主要專注於使用阿拉比卡咖啡豆,並將其拼配成米蘭、巴黎等各地的風味搭配。據介紹,「Paraiso Gold Coffee」採自海拔約1,100米的地方,咖啡豆經過嚴謹分類、篩選及烘焙過程,屬世界上最特殊的收成之一,每100克售920美元(約$7216港元),非常昂貴。

貼文隨即引起熱議,有網民直言「呢d(啲)真係智商稅」、「唔好怪人點解唔消費」,亦有人指新加坡機場分店,每杯最平僅約$50港元(不同餐牌),認為價格不合理。都有人指店家「明買明賣」,嫌貴可以選擇不購買。

▼Bacha Coffee新加坡機場店 咖啡餐牌▼

▼網民留言▼

資料及圖片來源:連登討論區Bacha Coffee官網

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓