好多人都試過遺失身份證，當然係會立刻報警、報失及補領，但咪以為咁樣就無事，隨時有更多意想不到嘅嚴重後果陸續出現！電視節目《東張西望》就訪問咗幾位懷疑身份證遺失後被盜用，不單被借錢、被欠債及被報稅等，更匪夷所思嘅，係被陌生人攞咗去註冊結婚，搞到而家結唔到婚呀！點解會搞成咁㗎？！
============
同場加映：
【家居達人】易潔鑊8大迷思 塗層致癌？刮花可回收/翻新？
============
遺失身份證後果嚴重，電視節目《東張西望》以前都報導過，有人試過即使立刻報失，都有好多意想不到嘅後遺症。例如有人嘅身份證都被賊人攞咗去十多間財務公司借錢，其中兩間成功借到，苦主收到財務公司信要求還款，結果仲有人攞咗錢去買咗車，架車用身份證持有人嘅名去登記，然後去做如超速等犯罪行為；又收到稅局信，多咗一項無做過嘅工作嘅稅務收入等。
《東張西望》以前都報導過，有人嘅身份證都被賊人攞咗去十多間財務公司借錢，苦主收到財務公司信要求還款。
另一苦主李生去年7月遺失身份證後立刻去報失，誰知今年竟收到財務公司追債，話有10萬蚊未還，李生報警後雖然唔使還錢，但信貸記錄已有不良影響；點知6月警方又上門搵佢，原來李生捲入咗一單刑事案，畀人攞咗身份證去銀行開戶口，涉及多宗網上情騙案件，呃咗人錢，而犯人用呢個戶口處理騙財，李生就無端端變咗嫌疑犯，幸好經警方調查後還以清白。
苦主李生嘅報失身份證疑似被開新銀行戶口，用嚟處理網騙金錢，幸好經警方調查後還以清白。
不知情下被註冊已婚 入境處警務處調查不果呢世結唔到婚？！
另一苦主林小姐，本來打算2022年同男友註冊結婚，誰知婚姻註冊處職員話林小姐有已婚紀綠，付費進行查冊後，竟然發現自己喺2015年已經結婚，對方完全係陌生人，而父母資料亦無申報。林小姐懷疑同自己响2014年底曾遺失身份證有關，但已於2015年1月補領身份證，而結婚註冊日期係2015年3月，即對方應該係持已報失嘅身份證登記，結緍註冊地點係一間旺角嘅律師樓，節目組走訪該律師樓，發現的確有婚姻監禮服務，但點解當時證婚人無發現現場嘅新娘同身份證持有人有分別呢？律師樓一直未有回覆節目組。
苦主林小姐去年打算註冊結婚，誰知婚姻註冊處職員話林小姐有已婚紀綠。
林小姐查冊後，發現2015年竟然已與一個陌生人結婚，林小姐懷疑同自己响2014年底曾遺失身份證有關。
林小姐被註冊嘅婚姻，係由旺角一間律師樓負責，但對節目組嘅查詢一直無回應。
林小姐亦有報警，「新郎」疑似內地人，根據地址亦搵唔到個「新郎」。林小姐可以點先成功真正結婚呢？劉山律師表示林小姐可以嘗試申請離婚，因為根據婚姻條例，如果結婚時其中一方為假身份，而雙方係明知而默許嘅話，婚姻屬無效，如果法官相信，就可令法庭宣布婚姻無效。但林小姐質疑：2015年未有疫情，註冊時雙方都應該無戴口罩，如何可以說服法官呢？林小姐搵過特首辦幫手，但而家呢件事由入境處跟進，林小姐搵公司出信證明註冊當日有返工，但入境處仍然懷疑林小姐利用食飯時間，利用已報失身份證進行註冊，話要等警方調查完成先可以做嘢，於是林小姐呢半年來，就响入境處同警方兩邊周旋，兩邊推來推去，林小姐就一直結唔到婚！節目組聯絡警方，警方表示已鎖定當年男子係持港澳通行證，並於2020年離港，現在正進行通緝該男子歸案協助調查。入境處則表示正進行內部調查及與有關婚姻監禮人跟進，不排除涉及人為失誤情況。但入境處表示一旦報失身份證之後就會失效，點解仲可以成功註冊結婚呢？
劉山律師表示林小姐可以一試向法庭申請離婚，如果結婚時其中一方為假身份，有足夠證據令法官相信，就可令法庭宣布婚姻無效。
林小姐質疑：2015年未有疫情，註冊時雙方都應該無戴口罩，而「新娘」個樣應該同身份證上人士唔同樣，點解律師樓嘅監婚人可以簽紙？
現時林小姐個案由入境處跟進，但入境處又表示要等警方調查完成先可以做嘢，林小姐相當無奈。
text/Joyce
photo/電視畫面截圖
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
