財仔追錯數?公屋戶被「點錯相」遭淋油呻無辜!求助保安遭冷待「唔關我事」房署咁處理

文: 溫藹紅
2023.09.07

財仔追錯數?近日有公屋住戶哭訴,指被財仔「點錯相」上門追債,家門口除了被貼上「欠債還錢」,更慘被淋油,令她大呻無奈。她更一度向樓下保安求助,豈料對方僅留下一句「唔關我事」的答覆,事主最後聯絡房屋署,並主動聯絡追債者。

最近有女網民於Facebook群組「公屋討論區」發帖,苦訴自己居住公屋18年來相安無事,豈料日前突然「畀人點錯相淋油」。從相片中可見,大門上方被淋上黑油,外圍鐵閘相信同已遭殃。而門外亦貼上一張A4紙大小的「大字報」,寫明「陳勇X欠債還$」,兼留下「富生」的聯絡方式,事主表示「堅無奈」。

求助保安對方稱「唔關我事」 房署已跟進+發出證明信

事發當日,事主更一度向樓下保安尋求協助,卻遭受冷處理,「(保安)一句交更唔關佢事就咩都唔理..真係火都嚟」,最後唯有自行報警處理。此前,她亦曾嘗試聯絡追債主,「打咗好多次電話都冇人聽,唯有send MSN(SMS)畀佢」,澄清全家沒有陳姓人士,亦不認識該人士。

她無奈道,自己家中尚有90歲老人家,且有未滿1歲的小朋友,坦言感到「好無辜」,非常擔心家人受驚,希望唔好有下次。與此同時,事主表示已向房屋署作出投訴及備案,當局已經派工程部跟進,亦發出一封證明信,以證明其居住單位沒有該陳姓人士,「會幫我油返油再幫我,痴(貼)返呢張聲明」。

網民:係咪用你屋企地址借錢? 「點錯相」情況常見

事件引來大批網民關注,不少人對戶主情況深表同情,認為「會唔會係有人偷你屋企信,用你屋企地址借錢」、「真係慘,比人偷你地址報」;亦人分享同類經歷,「之前間公屋住左10年,期間有2次債主上門拍門搵上手戶主,我話我係新屋主,住咗幾年,你自己查清楚先啦,到我搬走時都仲收到追債信」、「我住咗7年都突然依幾個月收到信,唔知搞咩」。

有網民就表示,如果再有同類事件發生,建議戶主申請調遷,但戶主認為「唔係我爭人錢,冇理由要我調遷」,指如果該陳姓人士有登記係住戶,相信房署可以查到;有人則認為可在大門位置安裝閉路電視(須留意法例規定),以策安全。不過,戶主最新表示,該富生最後有接聽電話,稱對方得悉「點錯相」後都好客氣,並會轉述至相關同事。

根據 《刑事罪行條例》第200章24條,針對禁止某些恐嚇作為,包括任何人威脅其他人(a)會使該其他人的人身、名譽或財產遭受損害 ;或(b)會使第三者的人身、名譽或財產遭受損害,或使任何死者的名譽或遺產遭受損害;或(c)會作出任何違法作為;而在任何上述情況下意(i)使受威脅者或其他人受驚;或(ii)導致受威脅者或其他人作出他在法律上並非必須作出的作為;或(iii)導致受威脅者或其他人不作出他在法律上有權作出的作為,即屬犯罪。

資料及圖片來源:FB@公屋討論區 - 香港facebook群組

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓