黑色暴雨水浸，港鐵觀塘綫受阻！黑雨下不少港人仍需上班，有打工仔苦呻由新界去觀塘返工，需要兜一大個圈，遊勻港九新界車站方可抵達，引來不少網民熱議，更笑指「一定係黎生」，佩服港人返工意志力！
港鐵今早宣布，由於黃大仙站路段受水浸影響，觀塘綫列車服務受阻，石硤尾站至彩虹站暫停服務。有網民就於網上群組發帖，指自己由葵興港鐵站前往觀塘站，需要不斷轉車，兜勻港九新界才可以到達觀塘站。
他指出，要先由「葵興到旺角，旺角到金鐘，金鐘到北角，北角到油塘，油塘再到觀塘」，中間需要轉3次車，並留下一句「佢老X…」，可見極為無奈。
翻查港鐵官網，平時葵興往觀塘站車程約37分鐘，但列車受阻影響下需多次轉車，預計車程約52分鐘，多出接近一倍時間。
有網民表示深同感受，留言指「我之前腦洞緊點由觀塘入新界返工」、「我好你少少，佐敦去金鍾，金鐘去北角，北角去油塘再觀塘」、「兜到傻」，認為猶如環島暢遊。有人則對樓主遠水路都要返工表示佩服，笑指「你一定係黎生，欽敬欽敬」，但是如此情況下仍有方法抵達，有網民認為「已經算好」！
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
