成龍現身華為睇手機?「成龍魔咒」再掀熱議!網民撐搵佢做代言 港人誤以為係林作

文: 溫藹紅
2023.09.12

成龍撐用華為?近日網上流傳疑似成龍的照片,指相中人當時正身處華為門店,「成龍魔咒」瞬間再掀起熱議,不少網民撐華為找佢做代言人,直指可以「得到成龍大哥既祝福」,引來部分網民連聲叫苦,並強調萬萬不可;更有網民稱似香港「抽水王」林作,令人哭笑不得!

日前(10日)有內地網民於小紅書上發帖分享,於四川成都巧遇香港武打影星成龍大哥,指沒想到他就竟會自己親自買手機,當時正值華為推出HUAWEI Mate 60新款手機不久。該網民表示,自己等他結帳後打算上前與他合照,結果成龍身旁的助理不允許,直言「好可惜」。

樓主指,當時身處崇州萬達廣場內的華為門店內,從相片中可見,「成龍」身穿白T恤黑褲,並披上一件黑色外套,戴上口罩及眼鏡,正低頭查看華為手錶。相片隨即被廣傳至內地、香港等各大社交平台,而多年來的「成龍魔咒」又再度掀起熱議。

「成龍魔咒」再現?網民:佢會燈死個品牌

「成龍魔咒」是源於凡是國際影星成龍所代言的廣告品牌,最後都難逃倒閉的下場,因而淪為網民笑柄,從此成為代名詞。今次「成龍」專程前往華為大撐國產手機,不少人都直指,華為是否要找成龍大哥做代言人,為華為獻上「祝福」,引起大批網民討論。

有撐華為的用家直言「佢會燈死個品牌」、「佢都係做返用家好啦」,驚呼萬萬不可;都有網民表示,如果找成龍代言「就不了,代邊樣死邊樣」、「佢賣啲廣告都仆X多」、「華為,我都唔知講乜好」。而根據過往成龍拍攝的影片內,不時都手持華為手機,大批內地網民指他一直是華為「鐵杆粉絲」,因此對他現身華為店舖不感意外,有人亦支持找成龍代言。

網民重提「霸王」其實未執笠 港人誤會以為是林作

更加有人重提成龍最標誌性的代言品牌「霸王洗頭水」,並誤以為已經執笠,獲網民更正「只係部分生產線停咗,而家萬寧都仲有得買,門市同網店都有」。雖然樓主直指是成龍大哥本人,但有港人望到相片後,一度以為相中人是香港「抽水王」林作,望落頗有幾分相似,幸得網民解畫,否則引起大誤會!

資料及圖片來源:小紅書FB@深圳大灣區國內吃喝玩樂開心分享區

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!