土瓜灣旅行團重臨擾民？土瓜灣近日街頭再現旅行團，多條街道遭遊客「逼爆」大排長龍，住宅樓下通道更被強行霸佔，惹來附近居民不滿，怒斥「嘈到10樓都聽到」，甚至連等巴士都沒有位置站立，非常誇張，有網民質疑「旅監局啲人去哂邊」？
今年初內地旅客逼爆紅磡及土瓜灣一帶等情況不斷，部分商店曾被投訴接待旅行團而影響居民，旅遊業監管局於5月時已發出附加承諾書，設定新要求禁止旅行團於土瓜灣同時逛區內商店及用膳山，社區始恢復平靜。
不過時隔4個月左右，大型旅行團似乎又再次重返土瓜灣，令附近居民都不禁連聲叫苦，直言遊客「入侵」社區已經造成影響。
土瓜灣街道現遊客人龍 大廈住戶：嘈到10樓都聽到、等巴士都無位企
其中就有土瓜灣街坊於Facebook群組發帖，指今日（13日）下午1點左右時段，整條美景街均站滿遊客，並附上多張現場直擊相片。從相片中可見，美景街道路上企滿一堆遊客，部分配戴款式相似的帽子，並有身穿一式一樣疑似「團服」藍色長裙的團隊，驟看非常顯眼。
至於附近的偉景街同樣受波及，多幢住宅大廈樓下都聚集大量遊客，人群以「列隊」陣型往同一方向排隊，驟看人龍疑似由街頭排到街尾，人數頗為誇張；連土瓜灣道惠康門外亦不例外，可謂「逼爆」土瓜灣民區。有見及此，樓主都不禁投訴：「嘈到10樓都聽到」，即使落樓下等巴士想「搵個位企都好困難」。
居民怒斥遊客好滋擾 網民：旅監局啲人去哂邊？
樓主續指，土瓜灣一帶遊客「泛濫」情況，於8月中開始已相繼再出現，困擾居民惹來不滿。有街坊怒斥遊客滋擾，「庇利街果邊班所謂遊客一落車，走入人哋陽光同碧麗住宅涼冷氣」、「保安叔叔講了好多次要他們不要阻塞通道，讓住客出入，但沒人太理會他」、「站一站沒問題，但抽煙有，吐痰有，實在很困擾」。大批網民直言情況誇張，「之前旅監局啲人去哂邊？以前每日有2至3個旅監局嘅人喺到睇住」，質疑當局監管不力，未有持續跟進令旅行團「打回原形」。
▼網民留言▼
資料及圖片來源：FB@To Kwa Wan土瓜灣（帖主授權使用）
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
