黃大仙酒樓$698套餐埋單收過千蚊?港人怒斥餐廳刻意落貴單!店員用1理由怪責食客...

文: 溫藹紅
2023.09.20

酒樓食肆出錯餐責任屬誰?近日有網民發文投訴,指於黃大仙一間酒樓用膳,落單叫一份$698晚市套餐,豈料結帳時店方卻要求收過千元,令其大感震驚,怒斥酒樓店員刻意「落貴單」,不過店員反而就如此怪責食客,引來大批網民熱議!

日前有網民於Facebook群組發文,分享與親戚前往黃大仙豪苑中心一間酒樓吃晚餐時疑遭店家「劏客」。她表示,落單時點了一個晚市套餐B,售價$698,菜單足夠5個長者和工人姐姐的份量,豈料結帳時收銀處店員稱要收取逾$1,100,令她大感疑惑,遂詢問店員「點解咁貴?」卻獲對方回覆:「你食咗喇喎。」

酒樓落單B餐埋單變A餐 店員:食之前你唔出聲?你享受咗

樓主再翻看收銀處的電子收據,發現她點的套餐B被改為套餐A(售價$998),但是手寫枱單寫明叫套餐B,一氣之下她質問店員:「我叫B餐,你手寫枱單都係B餐,仲寫埋價錢$698,你地落單就A餐?趁住全枱老人家傾計無留意食咗,你地就可(收)多$300?」然而,店員則「充滿自信」指:「你無留意條魚唔同?食之前你唔出聲?而家你食咗,你享受咗,咪當同老人家食餐豐富啲囉。」

對於要「硬食」樓主心深不忿,怒斥套餐A與套餐B,最大的分別在於蝦及魚不同,其他小菜完全一樣,覺得「好明顯(店員)係刻意落個貴餐,收貴幾百蚊」,質疑「趁機落錯單」的做法甚不老實。

網民反應兩極:蝦球同龍蝦都唔識分?店員落錯單不該由顧客承擔?

翻看餐牌,樓主點的套餐B菜式包括有「金湯焗珍寶蝦球伊麵」及「清蒸生猛虎杉斑」;較貴的套餐A則為「上湯焗龍蝦伊麵」及「清蒸游水海星斑」,其餘菜式相同,引來大批網民熱議。不少網民直言「無理由蝦球同龍蝦都唔識分」、「嚟錯就應該出聲,唔係照食」、「貪心諗住酒樓俾錯餐唔出聲, 點知埋單收反正」。

然而有部分網民就不認同,認為顧客沒有責任要懂得分辨菜式,「如果要話個客唔覺有分別,咁點解唔問由落單,廚房,到出菜,上菜,都唔識分?如以上不同崗位嘅職員都唔識得分別嘅時候,點解客人要識分呢?」

又指酒樓店員落錯單的責任,不應該由顧客承擔,「有咁多證據落單係B餐,咁呢個落錯A餐,係食肆酒樓嘅責任,並唔係食客嘅責任」、「酒樓上錯野,個客有提到係好,但無提到食左,都係酒樓蝕唔係要個客蝕錢」。有人則覺得是酒樓蠱惑,「咁我食完碗粉絲,你話係天九翅都得㗎喇」。

正所謂「公説公有理,婆説婆有理」,有網民覺得「酒樓明屈食客,食嘅又吾望清楚...如果佢隻龍蝦切到蝦球嘅size(大小),又或者消費者唔識分,魚蒸熟左樣貌也差不多」,最終各方都有錯;有從事餐飲的網民就覺得「好多人貪小便宜,明知唔係自己叫既餸但食左先算」,但今次似乎內部出錯,而餐廳事後處理手法欠妥,認為如給予些少折扣,未必令顧客如此不滿。

資料及圖片來源:FB@飲食黑店大全 (全港食店質素/價錢/服務關注組)

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】Cetaphil舒特膚清爽無油保濕水感啫喱!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓