油麻地兩餸飯現大隻琵琶蝦!平均$17食到一邊 網民食過番尋味讚「肉質相當好」

文: 溫藹紅
2023.09.23

兩餸飯有琵琶蝦食!油麻地一間兩餸飯店近日大賣琵琶蝦,而且價格親民,每邊蝦平均$17隻,令不少街坊大感驚喜,有食過網民更大讚「肉質相當好」,吸引大批網民躍躍欲試!

最近有網民於Facebook群組「香港茶餐廳及美食關注組」發帖分享,中午時段於油麻地一間兩餸飯店購買午飯,豈料發現店內竟然賣大大隻琵琶蝦(廣義上又稱「瀨尿蝦」),不禁下買來一試。從相片中可見,該款「蒜蓉粉絲蒸琵琶蝦」售$68/4邊,平均每邊$17,驟看蝦身體積形不算小,肉質泛白飽滿,而且面上鋪滿粉絲,吸引不少網民直呼想試!

有網民表示,兩餸飯可以食到琵琶蝦「好勁」、「看著很棒」;至於價錢僅售$68就有得食,大讚「非常超值,但唔知點解做得到」、「好味哦」。不過平價蝦都惹來部分網民質疑,認為「預咗極度唔新鮮」,獲樓主回覆反駁琵琶蝦肉質相當好。

性價比如此高,當然引來大部分人好奇,到底是哪間兩餸飯店有售?樓主指出,該店是位於油麻地人氣兩餸飯「權發小廚」附近的富膳飯店,兩樣主打各款兩餸飯,售價$36起,加可樂也僅需$4,算是相當實惠。大家經過有趣不妨留意一下!

油麻地兩餸飯|富膳飯店 詳情

地址:油麻地彌敦道521號地舖
營業時間:10:00 - 22:00(星期一至日)

資料及圖片來源:FB@香港茶餐廳及美食關注組

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓