MIRROR成員Stanley（邱士縉）今年母親節推出首支個人單曲〈來不及〉，以悼念於年初因病去世的母親，盡表孝心。今日（26日），Stanley在IG社交平台上貼出他保留亡母電話號碼的訊息截圖，見他捨不得停用媽媽的手機號碼，繼續發訊息給媽媽，並在媽媽冥壽之日祝她生日快樂。
Stanley今日（26日）在IG社交平台上貼出與亡母的訊息截圖，寫道：「Happy Birthday Mum，知道你在另一邊過得好好，我都會努力過得好好，I love you。」Stanley的媽媽在今年年初因病過身，讓他留下了一個遺憾，Stanley數月前推出個人單曲時曾透露：「佢冇睇過我演唱會，所以我好想有一首歌可以喺日後演唱會唱俾佢聽，因為有呢個Idea，就即刻問花姐，花姐話：『好呀！梗係冇問題啦！梗係要出！』」這就成就了Stanley首次推出自己的個人單曲〈來不及〉。
歌曲的MV更特別加入一些Stanley與母親的回憶片段，Stanley在拍攝過程中一度泣不成聲，令人痛惜。Stanley也坦言自己的心聲：「我對媽媽嘅愛冇盡頭，會好叻仔去做成績俾佢睇。」
Stanley曾剖白與媽媽的回憶，說：「我係屋邨仔，以前打籃球，媽媽喺屋企嗌落籃球場：食飯喇，細佬！我成日覺得好尷尬，叫佢唔好咁嗌我，全部人都望住我，我怕醜，後來進化到落嚟籃球場拉開閘門叫我食飯，一樣咁大聲，然後到最後變成Send Msg俾我。呢啲係我同佢好記得嘅一啲回憶...」
被問到給媽媽的最後話語，Stanley表示：「好多媽咪嘅心願都係小朋友開心就得，在於子女就會想媽咪見到自己成功嘅一面，媽咪離世呢件事對我最大領悟，就係要好好珍惜所有嘢、所有Moment。佢臨過身前嗰段時間，都仲係好擔心我呢樣嗰樣，但我應承佢會努力，會照顧我個姪，會同哥哥繼續相親相愛，會有朝一日好叻仔喺台上拎獎可以多謝佢。呢個係我會好努力去做嘅嘢，唔係佢嘅心願，佢心願只要我開心、健康就OK，但作為兒子，我好希望佢會Proud of 有我呢個仔。」
同場加映：【著數慳家王】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
