公屋輪候｜港人排公屋忍痛辭職捨棄3大待遇曾被停賽半年+等足5年終派樓：為公屋咩都可以唔要

文: 溫藹紅

2023.10.11

香港排公屋是「頭等大事」，近期再有港人分享自己為求公屋忍痛辭職，捨棄3大福利待遇，以符合公屋申請的入息門檻，直言「為咗公屋咩都可以放棄」，等足5年多終於成功過關，獲編配公屋上樓更大嘆感恩。

香港輪候公屋，最難就是過「入息審查」一關。最近有港人於公屋討論區發文，更以「為咗公屋咩都可以唔要」為題，分享自己苦等公屋5年多的上樓心得及體驗。他表示，由申請2人單位至房署派信通知配房，歷時5年4個月，而自己首次面見房屋署主任時，其入息審查已經不合格，需要「停賽」半年再重審，為求達到公屋入息門檻標準，他立即向公司提出辭職，更著另一位共同申請的家人，均即刻辭職停止工作。

他表示，辭職後沒有工作3個月，期間完全零收入，至3個月後才重返職場，但需忍痛放棄「人工」、「年資」及「大假」，「由頭再黎過，因為再次入職由起薪點做先唔過個入息上限，呢個係我決定辭職前都好大掙扎，因為年資同人工無晒，但香港人為都係為個瓦遮頭，所以長遠睇緊係要屋，工作可以慢慢再做返上去」。

直至等來第2次面見主任，獲口頭告知「算合格」，但仍需待收到正式的合格信方作準，他表示，「日日睇幾時有黃字，有黃字之後又要睇幾時轉s2，轉左s2（申請已通過詳細資格審查階段）又成日睇幾時轉s4（申請已經到達配房階段）」，簡直是心急如焚，等待足足8個月，公屋申請進度終於由s2成功轉為s4，坦言可以放下心頭大石，不禁嘆道「感恩一切」。

樓主貼文（原帖）：

點擊圖片放大

貼文引來大批網民關注，直言為公屋放棄事業的歷程不易，認為樓主「你夠醒目，懂得選擇同取捨」、「好多人都因為門檻太低，要捨棄好多嘢」，又指「土生土長香港人一屋難求，都係為左有瓦遮頭」、「有屋住經濟壓力唔洗咁大，搵得多又洗得多搵少啲又係咁，條數都係咁計，以後晚晚都可以瞓得到瞓得好」，並指樓主僅需等5年進度算好快，望樓主日後可安居樂業。