港鐵9號波停駛引熱議!前港鐵工程師解釋2個原因!

文: 梁穎心
2023.10.10

曾任職港鐵的鐵路事宜小組委員會副主席張欣宇,在社交平台就港鐵9號風球露天段暫停行車發表看法,他指決定有2大考慮,同時亦指出今次機管局應有更好的處理方法,直言「最好選擇是留在原地等候」。

「一,以科學原則計,無人系統性計過數驗證過颶風風力下,列車究竟行乜嘢車速可以頂得住當時個風力。有人可能話唔係全香港都咁大風,無錯,但同時呢個都意味,全香港其實唔同地方都有機會可以去到咁大風。作為車務控制人員,如果在唔知列車本身頂唔頂得住既時候,貿貿然放架車入佐露天段,真係造成人命傷亡,成為千夫所指係小事,自己良心一世都唔會安樂。

二,以過往經驗計,就算列車本身可以安全頂得住,但的確曾經發生因為冧樹損毀架空電纜,令到有列車失去動力滯留在露天段無法行駛,最終要令到車上面數以百千計既乘客,在惡劣天氣下經露天路軌疏散,好在無造成人命傷亡。但如果魯莽行事,不會每次都如此幸運。」

由於9號風球生效期間,港鐵巴士及機場快綫停駛,導致大批旅客滯留機場。張欣宇強調,「惡劣天氣下最大的原則就是留在安全處所(shelter),等待天氣轉好。所以如果將大方向變成要點樣實現在惡劣天氣下都保持城市全面運作,其實係捉錯用神。」

他認為是次不足是未有做好滯留旅客的安置工作。他指出機管局應清晰指示旅客,機場主要對外公共交通已經全面停止,大家最好選擇就是留在原地等候,而非讓大家覺得可以靠的士出市區。

他又提出機管局應該提供打風水打風餅乾等基本物資予旅客,而老弱病殘孕則可以考慮提供專門休息區域。「如果真係再夾硬做多一步,可以考慮有限度行翻機場前往博覽館既列車,疏導大部分滯留旅客去博覽館安置休息。」

來源:張欣宇@Facebook、MTR

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓