麵包愈賣愈貴？最近有港人大嘆「麵包界LV」賣$20個腸仔包太貴，寧願加錢食2餸飯，部分網民頗有共鳴，更指現時「捱麵包」一詞已不適用於現今物價高漲的環境。連鎖麵包店價格惹熱議，但一間牛扒餐廳的$10黑糖包，反而就獲港人大讚，更指是「被牛扒耽誤」！
最近有港人於Facebook群組發帖，分享對香港某麵包店的價格看法，並附上一張麵包相片，形容A字連鎖麵包店是「麵包界嘅LV」。從相片所見，樓主拍下麵包櫃內的「黑椒牛肉麵包」，價錢牌上顯示每件售$19，令樓主直言「窮X都係食返兩餸飯算」，似乎覺得太貴。
對此不少網民似乎頗有共鳴，認為「買2個包，已經夠你食3餸飯包飲品」、「我今朝行過買咗過嚟食，都唔夠膽加多支嘢飲」，有人亦打趣道「以後唔可以叫捱麵包，只可以叫嘆麵包」。然而，有網民就不認同，覺得A字麵包店「係足料，耐飽，唔係食空氣咁」、「呢款包好大個㗎喎...係一般腸仔包嘅1.5倍，收$19，喺同級麵包舖嚟講，我覺得合理」、「點解有啲人嘅概念係麵包一定要係平，認真整麵包要花好多心機」。
隨著網民熱議不斷，樓主亦私心分享自己覺得抵食的麵包，竟是出自牛扒餐廳的Outback，大讚$10就可以買到一大條黑糖包，「outback外賣黑糖包，100%實心，可以揀凍或熱，仲送埋牛油」，更笑指是「被牛扒耽誤既麵包店」，引得大批網民留言讚好。
有吃過的食客亦表示「勁好食，我堂食都幾條」、「其實係嘉頓出的…有啲taste（百佳）可以買到」。大家有興趣不妨留意喇！
資料及圖片來源：FB@日出康城 Lohas Park@家在康城
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
