香港兩餸飯|外國遊客來港歎$37 this this飯!名牌手袋放地下反成焦點?網民笑入鄉隨俗

文: 溫藹紅
2023.10.16

香港兩餸飯備受遊客青睞!除了本地打工仔、學生哥等愛食兩餸飯,近日有外國遊客來港旅遊,同樣幫襯堂食兩餸飯,大嘆「this this飯」,惹來不少人大讚「入鄉隨俗」。食港式平價飯之餘,其中一名女子更將自己的名牌手袋,直接放在餐廳地上成為焦點,相當瀟灑!

近日有網民於Facebook群組「香港茶餐廳及美食關注組」發帖,分享於兩餸飯店內見到2名外國遊客,「食$37蚊 this this飯(兩餸飯),開心又興奮,傾計手舞足蹈」,看來吃得津津有味。

美國駐港澳總領事梅儒瑞(Gregory May)去年11月曾在Facebook上載光顧兩餸飯店的相片,並發帖指︰「我終於搵咗個機會同香港上班族一齊排隊去嗌個嚟做lunch,價格實惠得嚟又好味喎!你哋必揀嘅餸又係咩呢?」同時加上「this this rice」的標籤,緊貼香港文化。今次This this飯連外國遊客亦光顧,雖說並非罕見之事,但其中女遊客的名牌手袋,反而就成為焦點之一。

從相片所見,兩位外籍人士於餐廳內大歎兩餸飯,而披有一頭金色曲髮的外國女客,就將其Coach手袋直接放置在地下,並倚靠著檯腳,令不少網民頗感驚訝。有網民笑指此舉相當勇敢,「肯放個袋落地下,體現到女嘅價值觀」、「手袋隨便放地下夠瀟灑」、「最勁係Coach袋夠膽擺喺枱底囉,又唔怕畀人偷又唔怕污糟喎」,不拘小節之舉令網民讚嘆。翻查資料,該手袋為Coach經典PVC老花款手袋,港幣售價大約$1670不等。

至於有外國客食兩餸飯,有網民就認為「周遊列國,當然要接觸當地文化啦」,不過有人就指外籍人士對兩餸飯未必陌生,「外國啲中餐都好興係三餸飯形式咁賣,可能佢哋都食過」、「其實似美國panda express(美國中式速食餐廳)咁,對佢地嚟講唔陌生,平咗開心咗」;又認為「同我哋食subway一樣,I want this this this and this」,非常有趣。

資料及圖片來源:香港茶餐廳及美食關注組

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓