唔見電話、銀包聽得多，但大家又有無試過唔見車？最近有的士司機在網上貼出尋車啟事，指同行有一輛紅色的士被偷走，如尋獲願付上薄酬，並附上一間車行名字、聯絡人姓名及電話。帖文一出，隨即在網上引起熱論，有熱心同行幫忙找車，但亦有不少人質疑事主做法，「真係車行管理人唔會咁登，會直接報警立刻搵番」、「咁薄酬點解要幫？」
日前（14日）有的士司機於Facebook群組「的士司機資訊網 Taxi」上發帖，提及有一輛紅色市區的士被人偷走，車身有電訊盈科的廣告貼紙，如尋獲願付上薄酬，其後樓主貼出1張尋車啟事，「各隊友請幫手 TSXXXX市區的士被偷走，如尋獲薄酬，XX車行」。其後樓主在留言區補充，指自己並非是失主本人，對失竊車輛的資料並不清楚，「相片資料來源未有提及過，我都係盡下人事幫佢轉發」。
帖文在網上引起熱論，有熱心的士同行看到帖文後，紛紛留言詢問「邊款紅的型號？金豐4定5座？定還是小露寶？」、「有沒有相？齋文字好難叫人揾得到」，不過也有部分網民不理解事主為何不去報警求助，「真係車行管理人唔會咁登，會直接報警立刻搵番」、「報警啦。唔報警係到宣傳乜。一報全香港咁多人巡邏。唔洗一陣就搵到啦」。
亦有同行認為是事主為慳錢「唔裝GPS嘅後果」，並表示「上個假牌 換走貼紙 無得跟」、「貼紙都唔換 換牌就走」、「薄酬？笑鬼死人，少架的士少個競爭」、「咁薄酬點解要幫？」、「偷咗嚟義載 幫你哋改變形象，你哋喺香港排名數一數二」。
」，
App內睇文同睇片可隨時捕捉U Fun彩蛋，
換領現金券及禮品！
【送飛🎟️】請您去《UNISON FEST潛台祭》🎧！
↓ 暑假最強音樂祭！睇KOLOR、Kiri T、雷同二友...↓
↓【U Jetso】免費換荷花BB展門票！↓
↓逾650個攤位／優惠低至2折／免費禮品↓
