港媽連鎖酒樓食飯無折扣發文公審反遭圍攻！網民：嘈到佢俾返折爲止？

事主（16日）在Facebook群組「西環變幻時」上發文，大呻與家人到西環某酒樓食飯的「中伏」經歷。她表示，當天晚上8時25分左右與家人到達酒樓，入座後很快便落單叫餸，從事主上傳的單據可見，事主在8時28分入座，正式入單時間則為8時31分。

隨後事主親戚發現酒樓門口一張海報，內容提到酒樓現時正推出宵夜食飯優惠，全線門市每晚8時30分後入座可享全單8折，於是她再次查看入單時間，「睇吓張單，8點31分入單喎！應該ok！」以為按照入單時間亦可享有優惠。沒想到結帳時，酒樓收銀員卻告知她要有公關開單才會享有全單8折優惠，事主立即向酒樓經理對質，但對方堅持「唔認數」，「話我地冇公關開嘅單，要公關開單先可以八折」，於是她便要求酒樓公關現身說法，但對方表示對方早已收工，又指「冇佢開單唔可以八折喎！」

點擊圖片放大

事主感到非常生氣，「原來吃飯係需要知道佢地返工時間嘅」、「8點25分入去冇人話你聽8點半後有8折！況且入單嘅時間係31分！事後又同我哋拗係入座時間計！」直斥酒樓做法相當有問題，「如果你唔想俾八折就明講啦！本來我地去吃就冇預有折，但係既然有但係又唔肯俾就有的唔憤氣！」於是決定網上發文公審涉事酒樓，並向網民詢問「我應該去邊度投訴佢好？」

帖文隨即在網上掀起熱論，網友反應兩極，多數人一面倒狠批事主，「寫明8:30後入座，明顯地post主8:25入座」、「寫到明係計入座時間，你早左入去可以怪人？」、「爭成5分鐘都想拗返折頭嚟，唔覺得佢起訴追討會有結果」、「 大大隻（字）寫明8:30分後入座喎。就算8:29:50秒入座。都係自己既責任」、「人哋真係入座計，自己都唔好意思拗，仲話去邊投訴」。

+2

點擊圖片放大

事主亦有對此作出回應，她舉例稱在快餐店落單時，店員也會提醒店內有甚麼優惠，直指該酒樓未有向客人作出提醒，簡直連最基本服務都沒有，「作為一個集團式經營嘅酒樓，如果個公關又或者個經理提一提我地：我地8點半有8折喎！你地使唔使遲兩分鐘入座啊！（正確時間係20:28:52）」。

但網友認為此說法相當不成熟，「比折你係人情，唔比你係道理」，而且酒樓也沒有責任義務去提醒客人，「作為一個員工梗係維護公司利益多啲啦…個個都提你攞優惠…公司賺少左冇獎金」、「今次擺明你係無資格㗎喇....你只可以話個職員唔細心唔提你哋啫....」、「或者人哋以為你想食8:30pm 前的特價菜，8:30pm 後會係另一D特價菜，自己唔睇清楚，仲怪人」、「出街買嘢買貴咗，唔通去返間舖的拗咩？」、「樓主姓賴的嗎？自己的責任吧」、「員工角度唔會理你地啦。打份工。賺幾錢佢地又冇錢落袋既」。

不過也有部分網友認同事主說法，「唔重視客人，生意一定唔會好得去邊！」、「以後咪鬼幫襯佢」、「唔提先係倒米 個客比人搵左次笨 或有不愉快經歷 就唔會再幫襯」、「唔重視客人，生意一定唔會好得去邊！一傳十，十傳百，成個社區都知」、「因為時間問題唔俾折扣咁都係啱嘅，但係而家酒樓話因為公關收咗工，咁佢哋就真係有問題 」、「兩年前我喺另一間舖試過一次同類情況，當時就企喺counter同佢理論，咁咪所有客都知囉，嘈到佢俾返折爲止。（樓主記得下次睇清楚時間先入座，今次肯定冇仇報）」。

來源：FB@西環變幻時