兩母子排公屋1年極速上樓惹熱議!網民批霸佔公屋!揭真相令人心酸.....

文: 黃樂恩
2023.10.21

香港寸金尺土,正所謂「得公屋得天下」,申請公屋是不少港人的夢想!最近有網友在社交平台發文,指自己與兒子將在大半年至一年內獲派公屋單位,但她又擔心兒子放在寄宿學校會否影響公屋申請,於是發文詢問網民。帖文在網上掀起熱議,當中有不少人直斥她浪費公屋資源,「根本唔駛住公屋」、「香港就係比你呢類人霸佔D公屋」,即入內文睇詳情啦!

日前(13日)有女網友在Facebook群組「公屋討論區」發文,表示自己與兒子已申請公屋,接下來約大半年至一年內會上樓,她打算把兒子放在香港學校寄宿,並在文中詢問其他網民,「請問我把兒子放在香港學校寄宿,假期才回家,可不可以?」該帖文一出,即引來大批網民在底下留言,「點解可以咁快….半年至一年上到樓…」、「申請咗半年至一年上到樓什麼情況?」不少人認為樓主有能力負擔昂貴的寄宿費用,根本不需要申請公屋,「有咁多錢俾寄宿學費,根本唔駛住公屋,攞返間屋出嚟俾真正有需要的劏房家庭」、「香港就係比你呢類人霸佔D公屋」,更有人直斥事主身為人母竟然如此不負責任,「最直接帶他到孤兒院就可以,你選擇生出來,可是不願顧,可憐的小孩」。

當中亦有部分網民認為樓主並不是住在香港,質疑她申請公屋是為了兒子可以在香港讀書,紛紛留言鬧爆她浪費公屋資源,「睇佢句野似本人唔係住香港,得個仔係香港讀書」、「家在那?」、「同埋留意下 放在香港學校寄宿,假期才回家,佢既家唔係香港」、「申請公屋為咗可以係香港讀書?咁即係本身唔係香港住,大陸有層樓住緊」、「咁跟本不需要間屋啦!兒子讀香港寄宿學校,假期直接帶兒子回國內就得啦」、「呢樣真,反正兒子都住寄宿,父母又不在香港,簡直浪費公屋資源」。

但有網民翻查樓主舊帖,發現她其實在2017年已經開始排公屋,而兒子所讀的寄宿學校則屬政府資助型學校,「佢之前有Post 7月已達配房階段,年半後應可上樓,係佢冇講清楚」、「佢係2017年開始排隊,只能怪佢詞不達意,引駡戰」、「人哋17年申請㗎,7月份達到去房階段,一年半後上樓好正常 。」、「了解下群育學校,一樣有寄宿,仲唔使錢。你子女有需要嘅話去搵社工轉介就得」。另外亦有網民提醒樓主,「你改一改你個post喇,免得不停畀人鬧。講清楚你2017年已經排隊,7月達配房階段,過多年半就可以上樓」。

而樓主最後亦有修改原先貼文內文,在留言區親自解釋母子二人都是香港人,目前已輪候公屋6年多,並指出兒子有特殊需要,所以現時就讀香港一間特殊學校,「我和我兒子都係土生土長的香港人, 我已經排了公屋六年多,可能我出post講得唔清楚,令大家誤會」、「我亞仔有特殊需要,讀緊特殊學校,我凑佢都身心疲累!」

「群育學校」是香港其中一種特殊學校,主要為有情緒及行為問題的學生,提供日間學位、院舍服務、短期適應課程等。現時全港共有8間群育學校,包括瑪利灣學校、明愛樂恩學校、明愛培立學校、香港扶幼會盛德中心學校、香港扶幼會則仁中心學校、東灣莫羅瑞華學校、香港扶幼會許仲繩紀念學校、香港青少年培育會陳南昌紀念學校,學校分佈港九新界,入學途徑一般需要由教育局嘅「中央統籌轉介系統」做轉介。

來源:FB@公屋討論區教育局

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓