羅密歐與祝英台｜陳茵媺減肥10磅紥胸抖唔到氣女扮男裝 一人分飾兩角挑戰剷青髮型新形象
TVB台慶劇開播第二周，劇情揭開陳茵媺其實是女扮男裝，更一人分飾兩角。為了演好男角「祝英喬」，陳茵媺更應監製要求紮胸上陣，不惜收起豐滿好身材，甚至挑戰剷青髮型新形象；至於女角「祝英台」，陳茵媺的髮型則相對女性化和溫柔得多。
闊別視壇九年的陳茵媺為了打響復出頭炮，今次除了要一人分飾性格截然不同的孿生兄妹—智勇雙重祝英喬及善良單純祝英台外，更要史無前例應付大量開槍及動作場面。而為迎接前所未有新挑戰，陳茵媺早於劇集開拍前一年已秘密練兵，學習跆拳道練習踢腿及增強柔軟度之餘，更落力操gym鍛鍊體能，加上為期三個月的專業動作特訓，非常認真。
陳茵媺的角色造型亦是花盡心思，據知單是髮型已花了不少時間及心機，皆因為配合動作場口，相關髮型在不能借助假髮的前提下，要做到同時適合切換為男裝及女裝，難度頗高。在種種限制及考量下，監製於開劇前一、兩天落實以剷青解決問題，紮起來是男裝祝英喬、放下來是女兒身祝英台。
陳茵媺笑指當得悉要剷青後不無擔心，幸好最終效果有型又自然：「個造型好出，望住鏡入面嘅自己，都覺得真係似男人。」自認完美主義的陳茵媺，為令角色更有說服力，除減肥10磅讓自己更上鏡，又應監製要求刻意壓低聲線及紮胸女扮男裝上陣：「紮咗胸真係抖唔到氣，加埋我好多動作場口，個能量消耗好大。」
久未拍劇的陳茵媺，透露復工初期壓力爆煲：「都有成十年（實為九年）冇拍劇，好多嘢要真正埋番位再熟絡番要一段時間，壓力好大。我記得第一日已經拍咗十幾場，之後連續四、五日都係十場十場咁拍，好似發緊夢咁，啲燈照住自己時，連講對白都好緊張，我未試過咁緊張嘅。我記得第一日最尾二嗰場仲要喊，我心諗Oh My God，我九年冇拍戲，但第一日就有喊戲…嗰時我瞓又瞓唔到、食又食唔到，好似失戀咁。」
同場加映：【衝出嚟玩】最新影片
港生活人氣娛樂新聞
全新功能《U GO》強勢登場🎉！
立即探索🔍本地熱門活動📍好去處🔔食買玩情報
↓【招募試食員🐱】送Harlow Blend全新貓糧系列！↓
