香港不時都有的士濫收車資事件發生，最近有網友在網上發帖，表示外國友人來港遇上「黑的劏客」，從機場搭的士去尖沙咀車資竟要$535，當時朋友支付$1,000後，對方僅僅找續$322，所以實際車資是$678。該帖文引起網友熱論，除了鬧爆涉事司機多收車費、少找錢外，更有不少人留意到涉事車輛內的佈置，紛紛留言「成架靈車咁」、「改到風水劏客陣咁」！即入內文睇睇啦！
有網友在Facebook「的士乘客及司機行為分享區」分享搭的士中伏經歷，他表示早前有位來自泰國的女性朋友乘搭飛機到港，並從香港機場乘搭的士前往尖沙咀，沒想到竟登上了「黑的」，「機場正價起標去到尖沙咀收$535！比$1000佢仲找$322！」換言之實際車資是$678。事後友人告知樓主，樓主深感不滿並決定在網上公審涉事的士司機，直斥對方是「的士界人渣」、「祝你早日比人拉！」
帖文一出，即引起大批網友熱論，不少人直斥涉事的士司機「條數點計」，「機場過去尖沙咀，計埋行李俾盡都三百蚊左右啦，邊有可能五百幾蚊呀？」、「機場排隊呢啲，行內叫佢做機場老鼠！專門係酒店門口搵遊客（獵物）！入到機場排隊一早落錶排住等（養錶），等到上客時個錶已經顯示幾佰蚊」，並建議樓主報警求助，不要姑息，「有冇證據，有證據，就告佢，唔好等」、「機場上車唔係有飛仔咩」、「你有單直接報警投訴啦」。而樓主亦有對此回覆，指司機上車後馬上收咗朋友的「飛仔」，而且車門上沒有車牌、司機証、的士證，「朋友小妹一個外國人，乜都唔識！上車連機場比張飛都收埋！」直言「投訴無門」。
另外亦有網友發現涉事的士內全個車頂貼滿白天鵝圖案，而司機旁邊扶手箱設計不似一般的士，有人認為似棺材，「成架靈車咁」、「中間仲有副棺材」、「車入面改到風水劏客陣咁」，亦有網友認為「羊毛出自羊身上」、「唔係邊有錢整到咁靚」，笑稱樓主朋友「咁都比錢，唔蝦你蝦邊個。
根據香港國際機場網站的資料顯示，由機場出發乘搭的士前往尖沙咀／尖沙咀東，車資收費大約$265，以上價錢不包括的士其他收費（如行李附加費），但已包括有關的收費隧道或收費道路的附加費。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
