旺角都有平民飯堂！有港男近日前往旺角熟食中心用膳，叫了兩餸一湯一白飯，其中包括原條蒸魚、豉油雞髀及大碗湯，全是住家菜式，且份量十足，埋單$80有找，大讚是「男人嘅浪漫」認真抵食。
近日有網民透過社交平台群組「香港茶餐廳及美食關注組」發帖，形容旺角熟食中心「真係男人嘅浪漫」，全因他於中心堂食享用兩餸一湯一白飯，全單收費僅需$78，$80都不用，就可以歎到極豐富住家菜，吸引大批網民讚好。
同場加映：【衝出嚟玩】最新影片
從相片所見，菜式分別有原條薑蔥蒸魚、原隻雞髀以及一大碗菜湯，另外更配有一大碗白飯，望落色澤飽滿，相當滋味，最重要是份量十足，樓主表示，「有好多美容姐姐OL外賣走」，看來有不少食客光顧。
如此份量絕對食得飽肚，大批網民都直言好抵食，「又魚又雞髀又湯，$78算平啦」、「78蚊有些住家菜feel（感覺），非常滿足」、「咁大份仲可以兩份食其實」，獲得不少盛讚；有食過的網民形容餐廳「好細緻」，指曾經光顧叫枸杞豬潤魚腩湯飯，「佢（店員）會問你煎唔煎」，認為值得再食。不過，都有人認為自己煮可能更便宜，又認為$80食一餐實屬「天文數字」。大家又覺得如何呢？
資料及圖片來源：FB@香港茶餐廳及美食關注組
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
