香港不時都會傳出高處扔垃圾廚餘，但最近有公屋住戶就連生肉都扔落街？早前有筲箕灣街坊網上苦訴，指愛東邨有缺德住戶經常扔生肉落街，豬肉、雞髀肉都有，讓她不禁怒斥該住戶「係咪有病？」事件引發網友熱論，有人認為扔肉落街太浪費，也有網友推測該住戶是否想「毒狗」或是餵老鼠.....
有女網民在本周二（24日）在Facebook群組「筲箕灣西灣河關注組」發文並上載2張相片，表示愛東邨愛寶樓附近經常有住戶扔生肉落街，「唔知愛寶樓邊家邊住（戶）成日飛啲生肉落街，係咪有病？」從相片中可見，有2塊生肉被扔到馬路及行人路旁，一張是約半塊磚頭大的豬肉，另一張看起來是雞髀肉。
不少網友看到帖文後，認為扔肉住戶的行為不單止是浪費食物，這樣做更有可能引來老鼠、曱甴和白鴿覓食，「唔怪得愛東（邨）咁多老鼠」、「唔洗錢買？」、「浪費！」、「錢多」、「呢舊嘢（至少）要30蚊」。不過也有網友笑稱是「飛機肉」，建議筲箕灣街坊可以「長期企（喺）度執，唔駛去深圳買平肉」。另外亦有網友認為扔肉住戶的行為舉止相當不尋常，並質疑被扔的生肉是否「加左料」，「會唔會有毒，想毒死啲狗？」、「可能唔係豬肉係人X」、「人肉？」、「唔會係人肉啩」。
根據房屋署資料顯示，為保障公共屋邨的環境衞生，妥善執行屋邨的管理工作，於2003年推出「屋邨清潔扣分制」（後易名為屋邨管理扣分制），涵蓋28項不當行為，違規者將按其行為的嚴重性被扣3、5、7或15分，若涉及「高空拋擲破壞環境衞生的物件」的個案會被扣7分；「高空拋擲可造成危險或人身傷害的物件」的個案則會被扣15分。如公屋/中轉屋住戶在兩年內被扣除的分數累計達16分，其租約/暫准證將被終止。
來源：FB@筲箕灣西灣河關注組、房屋署
」，
App內睇文同睇片可隨時捕捉U Fun彩蛋，
換領現金券及禮品！
【送飛🎟️】請您去《UNISON FEST潛台祭》🎧！
↓ 暑假最強音樂祭！睇KOLOR、Kiri T、雷同二友...↓
↓【U Jetso】免費換荷花BB展門票！↓
↓逾650個攤位／優惠低至2折／免費禮品↓
