張致恒呻蛀牙無錢睇牙醫IG發文搲贊助!網友建議搵許廷鏗義診?

文: 黃樂恩
2023.10.30

藝人張致恆(Steven)與老婆區燕雯(雯雯)在2019年奉子成婚,婚後四年抱四,第四胎仔仔已在9月底出世。結婚4年,兩夫婦除了出名生得,亦出名無錢,不時在社交平台上因財困窘況而公開求救,「能夠最快賺到錢嘅工作,歡迎搵我」、「急需賺快錢,救命!」早前Steven更在IG限時動態發文,暗示自己連睇牙都無錢,要上網求贊助,引發網友熱論。

自第四胎兒子天樂出世後,Steven落力搵奶粉錢,除了開收費IG帳戶招會員、與老婆雯雯進軍Youtube界拍片外,近期Steven開始有廣告拍,IG有不少Post都是廣告合作內容。但可能養4個小朋友開支實在太大,他在10月28日晚上突然更新限時動態,上載了一張牙齒貼住膠布的動畫,並寫道「咁大個仔第一次蛀牙,睇牙好貴有冇贊助?」疑似想在網上找牙科診所贊助。

該則限時動態隨即在本地討論區引起熱論,另外亦有不少網友在Steven最新的IG Post留言,直指他「睇牙醫都要搵人贊助,究竟要幾廢先要甘?」、「人無恥便無敵」、「真係好丟臉」、「有咁耐風流,就有咁耐XX」,並在留言中問他,「點解唔正正經經搵份工,仲一心發白日夢諗住自己會做返明星」。不過亦有好心網友幫忙諗計,建議他「去菲臘牙科啦排隊咋嘛唔使錢」、「無錢咪去政府牙醫度睇囉」,當中更有人叫他直接私訊許廷鏗,「問下許廷鏗可唔可以義診」。

來源:IG@stevencheung

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓