全球物價持續飆升，相信唔少人生仔前都會諗「養唔養得掂」！早前有網友在討論區發帖，指兩夫婦每月收入有8萬，由於怕生小朋友後會太辛苦，於是網上發文向其他網民詢問意見。帖文一出，隨即引發大批網民討論，有人認為「貴有貴養，窮有窮養」，但亦有身為過來人的網民表示「要好慳，另外真的不要比較其他家長」，即入內文睇詳情啦！
有網友在LIHKG討論區以「家庭月入8萬打算生小朋友會唔會好辛苦」為題發帖，指兩夫婦現時每月收入有8萬，已有自住樓，單位中亦有一間房間給小朋友，不過仍擔心月入8萬不夠使，擔心生小朋友後會很辛苦，故發文詢問其他網民「打算生小朋友會唔會好辛苦？」
帖文引發大批網民討論，網友反應兩極，不少人認為月入8萬都「唔多夠用」，建議樓主諗清楚先好生小朋友，「月入得8萬真係要三思，要好慳，另外真的不要比較其他家長」、「都辛苦！利申：家庭月入12萬，養緊一個2歲」、「個生活質素一下子跌去月入萬五咁」、「夠生存！預你個仔輸比人，除非你肯拎層樓套現供佢」，有人更為樓主計數，除了供樓、兩夫婦日常使費、請工人姐姐、水電媒及管理費外，還有請工人姐姐照顧小朋友、補習費、學費、課外活動費等，直言月入8萬看起來很多，但計算支出項目後「已經無咩錢淨」。
同場加映：【衝出嚟玩】最新影片
另外也有網民反問樓主「睇你想點養」、「呢個問題其實好個人，睇你平時生活開支幾多，又打算點樣養個小朋友」、「例如天生天養放任模式，同細細個playgroups虎媽模式再加私校，兩者洗費已經好唔同」。有身為過來人的網民表示「貴有貴養，窮有窮養」，紛紛留言「月入8萬有自住樓都話要慳，咁嗰啲得月入5萬以內，仲租緊樓嗰d咪X得街」、「家庭收入5皮，住3房一廳，請埋工人，再生兩件，每年一次旅行」、「8萬生兩個都得啦！我識人老公得萬幾蚊都生左個 1個養哂全家」、「大把人3萬幾蚊都生2件，人哋咪又係咁養，Steven都養到啦，睇你要咩啫」。
來源：LIHKG討論區
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
