對不少港人來說，公屋睇樓是天大的喜事，不過早前就有港女在社交平台發文，講述搭的士去睇屋的不快經歷！她表示睇樓當日搭的士從青衣前往去長青邨青槐樓，卻沒想到因為講錯一個字，不但車資多收一倍，其後又因為遲到太多，被房屋署主仼安排午飯時間過後才能睇樓，「我足足等了3個半小時」，並在網上發文直斥該司機做法「真係害死人」。帖文隨即引起網友熱論，不過大部份網友對於事主遭遇不同情，直言「咁都可以怪人」、「怪得邊個？你打得上黎就預左比人插」。
一位港女在Facebook群組「的士司機資訊網 Taxi」發文，指自己日前去公屋睇樓，當日搭的士從青衣前往去長青邨青槐樓，當時司機把她載到目的地後，便向她收取$35車資，這時事主才發現去錯地點，「青槐樓，不是青葵樓」，對方只回答她「您講錯」，而事主只好要求對方盡快開車前往青槐樓，最終到達目的地時車費為$73.8，而司機則表示收$70就夠。
但事主仍已心感不滿，她表示「青葵和青槐，差100步，就是前面的一座」，直指司機為了多收$30幾蚊車資，竟然落山再上山。原本事主亦不想計較太多，但房屋署主仼表示她遲到太多，加上當時接近午飯時間，故在午飯時間過後才能再作睇樓安排，最後事主足足等3個半小時才成功睇樓，並在文中直言「大哥，我寧願比多30元您，話比我知前面一座」，指該的士司機的做法「真係害死人」。
帖文引起大批網友熱論，但對於樓主的遭遇並不同情，「自己問題，關人乜事？」、「明知係前面都唔落車行，怪得邊個？你打得上黎就預左比人插」、「咁都可以怪人」、「司機明顯無問題，方向都唔岩，點返轉頭？」、「今時今日電話咁方便都唔睇」、「人地鬼知你唔識路，平常人開手機地圖就知啦」、「出post博X，前面座落車行呀」、「槐，葵兩個字唔同發音，唔識字唔好扮博士」，當中更有網友直斥樓主，「咁重要既事，又有Google Map你唔做好功課 仲要都係住青衣 你要改下自己生活方式」。
不過亦有網友認為樓主未有做足功課固然有錯，但的士司機在車程中也沒有任何提醒，明顯是故意兜路多收費，「知道你唔識行，唔話你知前面，擺明玩你囉，你又衰ge，以為有司機會幫你，以後自己做多步查地圖啦」、「我幫樓主講返句啦，個司機係堅XX，就係前面都唔話俾人知」、「應該係唔知～埋怨司機點解唔話比佢知」、「應該係原本唔知，司機兜咗一個double嘅車費，佢落咗車之後先知一切」、「首先，自己唔睇定位置係有問題！第二，的士司機明顯兜路 又係事實」。
而樓主亦有對此回覆，指自己原本住在青衣邨，由於睇樓前沒有做好資料搜集，加上當日「趕時間，完全信任司機」，才會發生今次烏龍事件。她表示當初在網上發文只不過想呻下，現在已頓悟前非，「其實，我只係呻下個司機，收多咗錢，最後我多等3.5小時，我知道錯了」，並表示自己下次搭的士會時刻留意Google Map，若司機多走一點彎路便會馬上告知。
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】agnès b. CAFÉ母親節限量朱古力禮盒！↓
↓淡雅紫色包裝︱手造朱古力︱限定淺粉玫瑰花造型↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
