最近有Facebook群組出現一則「徵免費私家車借用」的帖文，有網友以匿名方式發文表示自己「真係好鍾意揸車」，但由於本身學歷不高、每月收入不多，所以「想問有無師兄會有多部車唔用可以俾我揸，我會負責保養」。該帖文隨即引起大批網友嘲諷，「學歷唔高都賴埋，建議唔好買車，讀下書先」、「養唔起車，但又保養起架車？」
早前有網友以匿名方式在Facebook群組「泊車優惠及收費情報區（香港）」中發帖，指自己最近「租左幾次車，發現真係好鍾意揸車」，但由於本身學歷不高、不是讀專科，其工作收入又養唔起車，故發文詢問「有無師兄會有多部車唔用可以俾我揸」，他在文中表明會負責該車輛的保養維修，最後還說了一句「如果減左買車既開支，應該可以應付得來」。
雖然原帖文很快已被樓主刪走，但早已有其他網友截圖該帖文並在其他Facebook群組再次上載，引起一眾網民熱議。不少網民看到帖文後紛紛留言嘲諷，「有幾部車嘅人唔會慳保養錢」、「咁嘅智商難怪學歷唔高」、「學歷唔高都賴埋，建議唔好買車，讀下書先」、「養唔起車，但又保養起架車？」
當中也有許多網友認為「香港地買車容易養車難」，紛紛留言「養車先貴wo」、「保養維修可能會貴過部車」、「停車場油錢 抄牌保養維修呢條數先係肉」，並建議樓主嘗試應徵做司機、車行職員等工作，可以揸車之餘又有錢賺，「去做車行/整車囉 大把機會揸下車」、「泊車仔大把車揸」、「去做2手車行sales 乜都揸得」、「咁鐘意揸咪租架貨van去做gogovan，洗乜上網問人」、「揸的士，掂曬！保養都唔使，交租就得」、「揸的士巴士小巴都得啦」、「轉行做司機，日日有車揸，又有人養車同養你」、「咁鐘意揸車，不如應徵做司機，又有車揸又有錢收」。
另外亦有網友笑稱「佢老婆係咪徵緊花膠嗰個」，其後更以該則帖文為藍本，稱要徵獨立屋、薪水、女朋友，「有無人有多個單位唔住可以俾我住住先，我會負責保養。如果減左買樓既開支，應該可以應付得來」、「有無女朋友/人妻可以租借，我會負責保養」、「我都好喜歡出糧的感覺，無奈只有時間翻一份工，有冇師兄可以將份糧轉黎我戶口到出」。
」，
App內睇文同睇片可隨時捕捉U Fun彩蛋，
換領現金券及禮品！
【大激賞】 贏$1,000超市現金券💰！
↓ 立即登記！免費獲多項專享福利 ↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
