正所謂投資風險多，有賺自然就有蝕！有港男在社交平台發文「抱怨」，指自己把工作多年來的收入投資在人民幣，現在已有約200萬人民幣，卻沒想到近年人民幣會大跌，以往賺到的錢早已「打和」，隨後更大呻「如果人仔繼續跌，可能要輸錢」。帖文在網上掀起熱論，但大多數人也不同情樓主遭遇，紛紛笑稱「人仔升值緊呀，唔使驚」、「冇蝕咪算係咁」，當中更有網友直指樓主帖文發錯群組，「其實與我哋冇乜關糸喎，至於升跌我哋都係上去吃喝玩樂架啦」。
早前有港男在Facebook群組「深圳大陸吃喝玩樂交流」發帖，稱自己一直以來在內地工作，他表示當時香港存款利息較低，相反內地投資理財產品回報率較高，所以近十年都積極儲人民幣，甚至會幫身邊朋友同事兌換貨幣，「身邊有啲朋友、香港同事，出咗糧想換港紙，我就喺香港比港紙佢哋，佢哋就係大陸轉啲人仔俾我」，多年來已成功存下約200萬人民幣。但由於近年人民幣兌美元匯率下跌，就連樓主所存下的人民幣也貶值，他表示以往賺到的錢早已「打和」，這十年的所有投資通通付諸流水，等同白做，其後他更在文中大呻「如果人仔繼續跌，可能要輸錢」。
不少網友看到後帖文後，非但沒有同情樓主遭遇，更有不少人嘲諷道「理財專家 眼光獨到」、「唔使怕，你唔轉出來就一定會升的，放心啦」、「輸咪吃喝玩樂洗左佢囉」、「人仔升值緊呀，唔使驚」、「一於買返四五層恒大樓博升值」、「冇蝕咪算係咁」、「有升自然有跌」，但亦有網友替樓主分析，指出「你點都有利息收嘅 果度應該.....」、「賺左利息有冇計數？」、「十幾年前對87喎，仲打和？應該輸」。
當中更有網友直指樓主帖文發錯群組，「呢度係講吃喝玩樂架」、「其實與我哋冇乜關糸喎，至於升跌我哋都係上去吃喝玩樂架啦」、「樓主……你係咪入錯群組？呢度係玩樂，唔係投資」、「其實何必講出嚟呢，你唔睇下呢個咩谷，同情你嘅人少，嘲笑你嘅人多」、「完全唔明白你想表達乜？你應該去財經群！你想話比人知你有2球人仔好巴閉」。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂美肌養顏糖水套裝 ↓
↓ 養血安神並潤膚美肌 / 從內而外煥發光彩！↓
【請您試用】韓國夏日防曬套裝☀️！
↓ 一次試勻4款防曬好物↓
