黃埔「迪士尼樂園」續現？黃埔花園鼠患問題持續嚴重，近期更加大搞捉老鼠「比賽」，並向居民宣布「賽果」，單月勁捉合共135隻老鼠，當中2期捉到38隻「奪冠」，至於其中一期則1隻都捉唔到，令不少居民大驚，更打趣道「係咪聰明啲」？
黃埔花園鼠患問題持續多年，環境衞生至今仍為人詬病。最近黃埔花園舉辦捉鼠「比賽」，並於各座大廈大堂張貼9月份捕獲到的老鼠「賽果」，於屋苑範圍內合共捉到135隻老鼠。
黄埔花園早於1985年至1991年間落成，被視為香港10大藍籌屋苑之一，合共有12期，當中有兩期（分別是6期及8期） 用作純商業用途，其餘期數為商住用途。今次捉老鼠大賽，從排行榜所見，其中以2期捕獲或撿走的老鼠數量最多，計及以酒精捕鼠器捕獲到的鼠隻，合共38隻，是12期中之冠。
點擊圖片放大
其後依次是10期（27隻）、11期（23隻）、1期及9期（同為16隻）、4期（6隻）、7期（4隻）、3期及6期（1隻）、12期（0隻），但是8期則未有上榜，引來大批市民熱議，並指「唔報數」，是否因為數量最多？
黃埔鼠輩橫行，街坊早已見怪不怪，有居民直言：「2期做咗冠軍好多個月啦」；不過對於榜上部分期數老鼠數量「低迷」，有居民質疑無理由，「我住3期2樓，老鼠常上到2樓窗外花架位，鐘意食乜就食，投訴咗無人做嘢，只係說給老鼠藥你」；至於12期一隻都未捉到，有網民更笑言「12期嘅老鼠最聰明」，又指「啲老鼠去咗百X返工」。不過居民覺得，「捕獲唔到，唔代表少老鼠」，大家都是多加注意為妙。
資料及圖片來源：FB@黃埔好東西、HKET資料庫
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
