譚仔米線現最新食法？食米線口感當然重要，不過最近就有男朋友分享，女朋友獨特的米線食法，竟是將米線剪碎變成「米粒」後連湯進食，令其大感震驚，不少網民更是大開眼界，直言「同粥有咩分別」！
最近有港男透過連登討論區發帖，以「我女友咁樣食米線」為題，分享女朋友對於米線的新奇食法，令他嘆為觀止。樓主指出，女朋友平時在外「無鉸剪唔食米線齋食餸」，然而今次外賣譚仔終於可以大嘆「個人」米線。
從貼圖可見，女方正拿著鉸剪，不停將一條條完整的米線剪斷，最終將全部米線剪至「米粒」形狀，驟看猶如米粒，及後再倒進湯內進食，樓主指「佢（女朋友）話咁先好食，究竟係我唔識野定點」，惹來大批網民留言討論。
點擊圖片放大
米線理論上原條進食，對於剪成「米碎」，實在令不少網民大開眼界。有網民表示「我第一眼以為係飯」，疑惑剪碎後「同粥有咩分別」、「再剪碎啲就好似食糊仔咁」，並笑指樓主女友是否「啲牙甩晒」，食法令人費解。
同場加映：【著數慳家王】最新影片
不過，都有網民認為食法頗有創意，「唔計太碎嚟講其實幾好，唔洗左手用匙羹右手用筷子，咁一隻手拎匙羹搞掂晒」、「碎哂再用大湯羹撈湯一齊食，個質感係幾特別」，形容撈埋啖湯，食落更加滿足。然而，都有網民表示自己箍牙時，亦曾經為了方便進食「咁做過」，覺得其實口感不錯，大家又有無興趣試吓？
資料及圖片來源：連登討論區
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
