最近有港人於連登討論區發文，以「我老友食一蘭被收多四毫子後痴咗線，點部署」為題，指其「老友」去尖沙咀一蘭食拉麵，被店家收多4毫子深感不忿，於是透過電郵寫信並向一蘭作出投訴。然而，最有趣的是其友人於信內以教育電視ETV「貨幣村的故事」影片內容作為引入，惹笑大批網民。
根據電郵內容，收件者顯示是「一蘭香港客戶服務部」，撰文者以「貨幣村的故事（Re：有關一蘭收費事宜）」為主題。信件開首寫道「從前有一條村，叫貨幣村。入面有紙幣家同硬幣家」、「有一日，盜賊來訪，捉走了貨幣村的人」、「佢哋被困在一口井入面，盜賊仲用$191嘅石頭冚住咗井蓋」、「貨幣村嘅人用盡力量，都打唔開個井蓋」、「全個貨幣村加埋就得$190.7，要打開井蓋卻需要$191.0嘅力量」，其後更放入多張劇情截圖以引入主題。
正當寫到還欠3毫子的力量時，撰文者直言「貨幣村一家人決定去食一蘭，咁樣就可以被round off成$191，之後就可以打開井蓋喇」，言語間疑在諷刺一蘭，並附上一張一蘭拉麵的結帳收據。
從收據所見，一碗天然豚骨湯拉麵（$166）加上服務費（$16.6），售價應為$182.6，惟帳單則顯示總數$183，兩者之間有$0.4差額，信末最後以「你哋收走咗我嗰4毫子」作結，不但傳送給一蘭，更將副本傳至樓主，令樓主都不禁懷疑「老友嘅精神狀況」，並公開籲一蘭交還4毫子予事主，實在非常盞鬼！
點擊圖片放大
不過，一蘭收到投訴信後，亦有向對方作出誠意回覆。綜合回信內容，店家表示「收費餘款四捨五入是公司政策，暫時實在非常抱歉」，此外有關意見必定會納入公司改善系統政策的方針之中，並附上尖沙咀店店長親自撰寫的回應。事件惹來網民爆笑，更指「諗到用貨幣村做引入已經夠癲，你仲要實行」，坦言事主真係好得閒。
點擊圖片放大
▼網民留言▼
資料及圖片來源：連登討論區
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
