新手Uber司機1星期勁賺1.5萬!直言賺錢少只因唔夠XX?同行笑爆用4個字形容

文: 黃樂恩
2023.11.11

早前有Uber司機在網上發帖,稱做Uber一星期賺到接近$15,000收入,又指其他司機賺錢少是因為不夠勤力,並在文中鬧爆現在Uber司機跟的士司機一樣古惑,為人自私自利,「唔畀新人入行」,形容這些人簡直是「影衰」整個行業。帖文惹起網友熱烈討論,不過大多數人不認同樓主看法,仲有網友笑「平均得183蚊一個鐘都好意思出黎晒」、「送外賣都舊幾水個鐘」、「用生命值換高倍單?」

有司機在Facebook群組「Uber Hong Kong for driver only」上發文,指自己剛加入成為Uber司機一份子,短短一星期已經賺到近$15,000收入,他指出現在Uber司機跟的士司機一樣古惑,「自私自利,自己做就得,唔畀新人入行,你做得人哋做得,你叻咩呀」,他形容這些人簡直是「影衰」整個行業,隨後他更上傳2張Uber司機夥伴App的截圖。從第一張截圖可見,樓主於今年10月30日至11月6日期間工作7天,該星期共賺到$14,469,工作時間為78小時,而第二張截圖則為收款資訊。

樓主補充道,指不少人都以為Uber工時長、所賺薪水不及的士,但他認為Uber司機賺錢少是因為不夠勤力,加上部分司機出「古惑招」所致。最後,他表示自己原本也沒有打算曬單,但眼見Uber越來越多害群之馬,才會忍不住站出來發聲,「睇住嚟呀,我而家啱啱新做,條式(調適)好之後我下個禮拜仲勁呀,我亦都歡迎新人 詢問 做個朋友」。

該貼文隨即被廣傳,引來大批網友討論,留言反應兩極,有部分網友表示佩服樓主工作模式,「辛苦錢!加油」、「多勞多得,多謝師兄分享」,並留言詢問「真心請教,新做有咩方法可有穩定月有兩萬收」。

但大多數人認為樓主想法簡直是「井底之蛙」,指他該星期平均每日工作13小時,時薪方面只有不到$190,加上各項車輛維修保養費、養車開支,「二佰蚊個鐘都冇,就曬單」,直言寧願做的士司機、送外賣好過,「正正經經揸26(電單車)送外賣都舊幾水個鐘」、「養部車一個月成萬銀,其實賺出黎又唔係真幾多成點」、「平均得183蚊一個鐘都好意思出黎晒」、「的士40零個鐘就有呢啲數」、「開78個鐘先得15000 有點弱」、「平均1個鐘頭100蚊,除返油錢基本上同打工冇分別」、「咪$100零蚊一粒鐘?真係揸的士好過」

也有細心網友留意樓主工時長,甚至凌晨也繼續在勤力工作,紛紛在留言中提醒他要注意好身體,「唔洗訓?」、「用生命值換高倍單?」、「早啲瞓啦,凌晨3點幾都仲開緊工,見你咁踩都覺得辛苦」,當中更有人建議他晚上直接睡在車上,第二日可以爭取時間即刻開工,「反正每日平均都做13個鐘以上 不如直頭係架車訓埋第二日又可以即刻起身開工 爭取時間 時間就係金錢」。

來源:FB@Uber Hong Kong for driver onlyFB@的士司機資訊網 Taxi

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票】香港來回鹿兒島機票+獨家優惠碼!↓

↓把握機會!立即參加羸免費機票↓

↓把握機會!立即參加羸免費機票↓

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓