香港關愛座引發過不少紛爭，變成「批鬥座」的情況不時發生。日前就有一名網民搭巴士，留意到一名港女未有讓座予老人家深感不忿，拍下巴士一幕後欲於社交平台群組公審，指「有X精何其多......阿婆就變無得坐」，引來世紀大戰！
從相中所見，一名年輕女子正坐在巴士的關愛座位置，並低頭注視著手機，後方則有一名疑似長者的女士，正以雙手緊握扶手站立著，形成長者因關愛座被「霸佔」後需站立的景象。不過，大部分網民反插樓主「道德綁架」，隨即於網上掀起世紀大罵戰。
網民狠批關愛座非「老馮座」：有愛心應請阿婆坐的士
網民認為關愛座並非「老馮座」，各乘客均已付款坐車，坦言「讓就係人情唔讓就係道理」，並同情一眾年輕打工仔，「放工都攰到死，點讓呀」、「放工有位都費事坐，免得俾你尼啲道德X影相放上網」；有網民就直斥樓主「憑咩叫人X精」、「萬一條女隻腳有事呢？唔通要劏開隻腳證明隻腳有事先畀坐」，批評樓主若真有愛心理應「請阿婆坐的士呀嘛」，引來不少人讚好。
樓主以一敵百「迎戰」網民：香港真係好多X頭
面對多番留言批評，樓主毫無畏懼，以一敵百正面「迎戰」網民，指「你班冚家X，如果嗰個你阿媽會點，唔好話你阿媽唔坐巴士呀」，又指「香港真係好多X頭」；亦有網民串爆樓主「影女就影女啦，扮清高」，獲回覆指「影女就唔會碌柱摭住啦，onX仔」，相當火爆。
關愛座無硬性規定讓座 市民批已形成「道德虛偽」
關愛座設置原意是優先禮讓孕婦、病患、長者等人士，但並沒有硬性規定。有網民覺得關愛座已經形成「道德嘅虛偽」，促使乘客即使身體疲憊，亦會因擔心被公審而「唔夠膽坐」，部分長者更認為年輕人奉旨要讓座，批評「公審」行為有份加劇對立風氣，大家又怎樣看呢？
點擊圖片放大
資料及圖片來源：FB@香港交通及突發事故報料區
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
