的士司機港珠澳等個半鐘接超短途單！乘客竟因1句話中途落車兼走數...

早前有的士司機在社交平台上傳了一段約1分鐘的車CAM片段，並在文中指出自己清晨時分在港珠澳大橋口岸的士站排隊了1.5小時，終於成功上到頭位，卻沒想到會接載了一名短途客，對方一上車就表示「海天碼頭，好近」。但由於事主當時就快收工，不打算回到口岸繼續排隊，所以未有向職員索取「短途飛」，「都唔梗要反正收工做多幾十蚊都吉返出去收工」。

事主再次確認目的地，便出發前往海天碼頭，並向乘客表示「你帶一帶路，我唔係好識路」。沒想到這時候乘客卻回應道，「你唔識就返去啦，費X事兜嚟兜去」，隨後更直接打開車門離開，而且沒有繳付車資，讓事主不禁在文中大呻「27蚊都冇俾，走我數」，加上他沒有拿取「短途飛」，換言之他在港珠澳大橋口岸的士站住白白排隊了個半鐘。

不少網友看完片後，紛紛留言表示同情，又指事主很大機會是遇到「仇家（即不認識的司機）」，「查咗Google map先開車，感覺似仇家」、「擺明的士佬玩行家」、「仇家黎」、「擺明自己行家玩嘢啦，叫走你又可以上多格」、「仇家先會咁玩」、「撞到呢啲X頭，當自己唔好彩」。

但亦有網友認為短途客「落車走人」的做法並無不妥，力批事主竟然連車站碼頭位置都分不清，「你個牌真係點考番嚟」、「揸車唔識睇導航，唔識路揸咩的士，落車走人係啱既」、「你開聲叫個客帶路，如果佢都唔識路嘅話佢自然會落車啦 」、「開的士要人帶路？」又指事主得知對方是短途客後態度隨即變差，「咁悔氣未唔好接囉！又驚畀人話佢！唔怪得的士行業越嚟越衰」、「其實佢都有話叫人比返張飛你啦」、「司機好似有d晦氣咁」。而事主亦有對此回覆，指自己也不清對方是否「仇家」，但排隊了1.5小時後只接載了一名短途客，而且對方更中途走人兼走數，直言「撞到聽到都覺得灰」。

來源：的士司機資訊網 Taxi