午餐連熱飲唔駛$30就食到？有港男在網上發文分享，指葵涌青山公路附近有茶餐廳推出「良心飯」 ，只需$26就可以食到咖哩牛腩飯、芙蓉蛋飯，款式天天不同，而且隨餐附送一杯熱飲，相當抵食！帖文一出，隨即引來網民熱議，不少人都大讚「超平民價」、「平過兩餸飯」！
最近有網友在Facebook群組「香港茶餐廳及美食關注組」中上載多張圖片，分享一間位於葵涌平價又抵食的茶餐廳，他在文中提到自己有一段時間未有到「銀座茶餐廳」用餐，日前（15日）光顧時竟然「食到最愛芙蓉蛋飯」，其後又在昨日（16日）第一次食栗子雞球飯。
從樓主上傳的圖片見到，該店的快餐共有5款，有枝竹火腩飯、花生豬手飯、咖哩牛腩飯、芙蓉煎蛋飯等等，菜色天天不同，每款只需$26就食到，堂食外賣同價，隨餐附送茶或咖啡；凍飲加$2；紅豆冰加$6；其他特飲及罐裝汽水加$3。除了快餐，該店還有早餐供應，無論是粉麵類、煎蛋加多士餐都有，價錢低至$21起就有交易，非常抵食。
帖文引來大批網民熱議，不少人大讚「平過兩餸飯」、「超平民價」、「而家仲有26蚊」、「出品同個價睇落好掂」、「26蚊而家早餐都唔得」，紛紛留言詢問該餐廳的位置詳情。而樓主亦有對此回覆，指該店位於葵涌青山公路附近，營業時間為早上8點半至下午2點半左右，並大讚該店是良心小店，「食左差不多10年，第一次食果陣係23蚊，果刻我都唔相信平到咁」、「咁既價錢真係第二度未必搵到，仲要堂食」。
亦有網民指 「個餐牌咁舊，睇埋啲價錢，以為20年前嘅餐牌」、「時光倒流二十年」、「26蚊 十年前都食唔到呢個價 有良心」，沒想到香港現在還有$26快餐連熱飲，絕對是難得一見！今次帖文更引來許多葵涌街坊留言，「呢間好食 啲野唔差 足料」、「真係平，靚，正 超抵食」、「佢一路都係平㗎啦！兩年前仲係24蚊」。
」，
App內睇文同睇片可隨時捕捉U Fun彩蛋，
換領現金券及禮品！
【送飛🎟️】請您去《UNISON FEST潛台祭》🎧！
↓ 暑假最強音樂祭！睇KOLOR、Kiri T、雷同二友...↓
↓【限時搶⚡】勁賞霜瀛廚師發辦套餐！↓
↓ 嚴謹日本各地時令食材 / 高質江戶前風味Omakase！↓
