麥玲玲豪封7位數人情畀C君!人情過百萬 啲錢夠首期買樓?

文: 黃樂恩
2023.11.21

參加婚禮飲宴,當然少不了封人情,至於多少人情就與交情多少成正比!早前麥玲玲在主持節目《玲玲友情報》中,自爆當年C君結婚時就豪封了7位數人情,人情過百萬?就連C君自己都忍不住說「啲錢夠首期買樓」,即入內文睇睇啦!

TVB清談節目《玲玲友情報》找來堪輿學家麥玲玲、J2女神黃紫恩(Jojo)、吳兆麟(Alan)共同主持,今個星期三(22日)最新一集主題是「發達唔係咁樣發」,請來了有「好老闆」之稱的上市公司主席陳洪楷做嘉賓,分享小富由儉的慳錢心德。

節目中,陳洪楷自言未發跡前,試過封$5,000作為好朋友結婚人情,當時人情「公價」普遍為$1,000元左右,收人情的好友到現在仍經常提起。玲玲師傅認為值得,接住她掐指計數,邊數邊說︰「C君(鄭詩君)結婚我都畀咗……」屈起手指足有7隻,7位數意味人情過百萬?

玲玲師傅續指,「C君自己都話啲錢夠首期買樓,佢係我徒弟,無計嘅。」在場眾人都露出艷羨的目光,玲玲師傅笑言就算有錢,未必人人捨得花,不少有錢人都很節儉。隨後玲玲師傅接受訪問時澄清,節目內容是跟C君慣常開的玩笑而已,她大笑說︰「嗰時C君玩整蠱電話,話要結婚不過無錢畀首期,叫我幫佢畀。明知佢玩電話,我話好呀,你去揀樓啦。之後佢成日同人講我幫佢畀首期買樓,其實只係封咗10萬蚊人情。」

談到二人師徒關係,原來始於主持新城電台節目, 玲玲師傅讚C君聰明且頗有慧根,所以二人屬半份師徒關係。2019年C君與拍拖5年的「港台之花」黃天頤拉埋天窗,早在擺酒前C君已表明一定要請玲玲師傅來飲,因為她有豪封26萬元人情的「紀錄」,C君當時還講笑話「擺過都要再擺,我應該擺完買到樓啦」。

另外,玲玲師傅的超大封結婚人情,令主持之一的Jojo羨慕不已。她接受訪問時半開玩笑表示,將來擺酒無論如何都要請對方,「其實我成日叫師傅介紹男仔畀我,分分鐘佢做埋媒人,所以好大機會實請埋佢。」Jojo又話對儲錢沒有心得,但相信迫到埋身不夠錢用,自然會努力搵錢。

來源:節目截圖、TVB

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓