黃埔酒樓驚現「貓咁大隻」巨型老鼠屍！四肢朝天伏屍枱底網民：全個黃埔都係老鼠
黃埔巨鼠出沒？近日黃埔一間酒樓出現超巨型老鼠屍體，並陳屍在酒樓枱底，當場嚇倒不少食客，更紛紛大叫。該老鼠身型肥碩，四腳朝天，不少網民直言好恐怖，但都有附近街坊表示「不嬲全個紅磡黃埔都係老鼠」！
最近（25日）有網民前往黃埔天地美食坊一間酒樓用膳，豈料發生驚陳屍事件。有網民透過Facebook群組「黃埔人•紅磡人•土瓜灣人」發帖，指該酒樓出現一隻巨型「死老鼠」，嚇倒不少食客。
他表示，當時酒樓經理打算讓食客就坐，隨即便有人大叫。從其上載的照片中可見，該老鼠陳屍在枱底下，身型肥碩，四肢朝天，不排除因食到老鼠藥餌而死。相中所見，有酒樓職員上前處理老鼠屍體，而餐枱上則放置「已留座」的告示牌，食客驚魂未定，涉事餐枱亦暫且空置下來。
事件引來不少網民，其中不少黃埔街坊直言已經不感驚訝，指「成個黃埔都有，唔使驚」、「不嬲全個紅磡黃埔都係老鼠，你唔係唔知嘛？」、「黃埔老鼠多過人」，可謂是「黃埔迪士尼樂園」；亦有網民更笑指老鼠是「試食專員？ 為黃埔人民捐軀」、「已留座畀老鼠仔」，不過有食客指斷然不敢再幫襯。
資料及圖片來源：FB@黃埔人•紅磡人•土瓜灣人
港生活人氣本地熱話
↓【請您玩】北角匯「美食拼豆樂工作坊」！加送商場購物禮券！↓
邊食、邊玩、邊打卡～～
↓【Chill賞芝麻祭🎁】送您驚喜黑芝麻獎賞✨↓
↓ 一連5星期！約定您一齊捕捉限時搶‼️↓
U GO 本週好去處
