叱咤樂壇2023｜叱咤樂壇「我最喜愛的男、女歌手以及組合」已經進入最後第三階段投票，男歌手方面五強分別有尹光丶姜濤@MIRROR丶Anson Lo@MIRROR丶Ian@MIRROR以及張敬軒。張敬軒昨晚（27日）突發進行IG直播，之後更直接落到旺角跟「助選團」齊齊派宣傳單張，認真落力！不過人氣高企的軒公，走到旺角街頭當然引起大批粉絲包圍，場面熱鬧，更被稱為「軒公夜繽紛」！即看內文睇清昨晚情況。
2023年11月29日更新︰
張敬軒再出手拉票！今日(29日)軒公再更新IG，表示「明天起，我會無定向無喇喇為各位街坊義務寫聖誕揮春同義務量血壓。」
張敬軒預告其拉票活動，其中於IG上已經可以看到在場有其他歌手到場力撐，包括洪嘉豪與Marf@Collar，兩位分別都未能躋身「我最喜愛男丶女歌手」的最後五強，不過都一同力撐軒公！
洪嘉豪成為第一位支持軒公的「街坊」，未知明天起又有多少粉絲能夠得到軒公的親身服務?
2023年度叱咤樂壇流行榜頒獎典禮第三階段投票
日期：2023年11月27日至12月1日
投票連結：按此
昨晚(28日)張敬軒於個人IG上進行直播，大談今年落力拉票原因，直播中坦承自己入選過十六次我最喜愛男歌手五強，但只獲得一次。對如此的賽果有點慚愧。
以往軒公都是以「佛系」心態參選，唯獨今年非常積極拉票，直言或多或少都是受到過去幾年疫情的影響。張敬軒表示「經過疫情，我啲fans、我啲觀眾互動方法唔同咗好多，自己都花咗一段時間去接受呢種韓式嘅應援，因為最主要唔想大家使錢、頻撲。」張敬軒早前更於個人IG上宣佈7大政綱！
雖然軒公表示不論當選「我最喜愛男歌手」與否都會照做以上政綱，不過內容上就顯得軒公真心寵愛粉絲同時願意提攜後輩，更笑言會約Tyson Yoshi健身！及後軒公繼續分享有一晚在IG上見到自己歌迷包了一架巴士於港九新界巡遊，一眾不同界別的歌迷都為他走到街上拉票，軒公表示︰「有啲人會好冷漠咁行過，見到呢幕我覺得好心噏。作為一個歌手，明明呢啲應該我自己去做，但要我啲fans咁樣拋頭露面，我覺得好內疚，所以我覺得唔可以再坐喺屋企入面，甚至乎萬一經過大家嘅努力真係送咗我上台嘅話，我覺得我會愧對大家。所以我決定要俾心機拉票！我真係冇辦法坐喺屋企坐享其成。」
其後有在街頭拉票中的歌迷問直播完之後會否過去找他們，眾人開始起哄︰「落區！」張敬軒亦還擊表示自己︰「唔大得！你真係唔好大我呀我話俾你聽，我個人就最唔鍾意人大我，好！我行路都過嚟！豈有此理！」所以直播結束之後，就決定到旺角跟歌迷一同奮鬥。以軒公的人氣一到旺角，就頓時被街坊重重包圍，他亦趁機不停遊走派傳單，呼籲大家投他一票，場面非常熱鬧。當時除了本地人，連外國人都不放過，更以英文向他們表示︰「Please vote for me！」最後軒公逗留到近凌晨十二點才離開。
張敬軒落力拉票，原因在於歌迷們都相當落力，早前網上流傳一張張敬軒歌迷拉票的照片，歌迷以自己家人的窗口作拉票，希望大家投上張敬軒一句，引起一時熱話。最後更獲得軒公本人轉發，並表示︰「我有乜嘢理由唔努力」
2023年度叱咤樂壇流行榜頒獎典禮第三階段投票
日期：2023年11月27日至12月1日
投票連結：按此
來源︰IG@hinssspig
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
