相信唔少人都試過收紅色炸彈，但結婚人情要封幾多先夠體面？早前有打工仔在網上討論區發帖，指同事將會在一間本地5星級酒店結婚擺酒，因不了解結婚人情公價，於是網上發帖詢問其他網民「幾多人情先夠？」帖文在網上引發熱烈討論，網民反應相當兩極，有人認為「起碼2千起」，也有網友表示應隨心，直言「結婚請飲唔係夾錢食飯」！
最近有打工仔在LIHKG討論區向網民求問，詢問其他網民「同事結婚係Rosewood擺酒，幾多人情先夠？」他在文中補充道，稱自己未曾去過高級酒店飲，「唔想比人笑同唱一世，食夜晚應該俾幾錢？」帖文一出，隨即引發大批網民熱心解答，有人認為「起碼2千起」、「老老竇竇，1800」。
但也有網友大鬧無理，直斥結婚擺酒並不是「夾錢食飯」，人情多少在於心意，並建議樓主可視乎自身經濟狀況、與對方交情而決定，「俾人情睇自己荷包」、「睇幾熟俾幾多」、「熟嘅話你封幾多佢都唔會介意 唔熟嘅話不如咪X去」、「睇你有冇錢」。
當中有不少人建議人情金額應在$800-$1,500不等，直言「$1,500已經畀到盡，最靚仔係呢個價」、「1500，如果唔熟，唔會去」、「真，但我會俾1288」、「1k 俾到盡 你擺得靚係你自己本事」，並指出「擺得rosewood都唔志在錢架喇」、「人哋擺得Rosewood，你俾幾多都得啦，使X怕俾少會X咩」、「擺得Rosewood都係有返咁上下錢，人情對佢哋嚟講只係數字，你畀錢佢哋亦顯得庸俗，建議送啲有紀念價值嘅嘢」。
隨後樓主亦有嘗試問身邊同事，沒想到同事卻嫌$1,500太少，「今日食lunch厚住面皮問其他同事 大家都話2000」。不少人見到事主言論後，紛紛替樓主抱不平，並留言表示「幾時變左酒店公價1500 不嬲都1000」、「唔X去，唔比人情」、「咁貴既 好過打劫」、「用一成人工去參加cls」、「啲人情越嚟越離譜，不如叫人送間屋畀你」。
到底結婚人情要封幾多先夠體面？早前「生活易」公布了「2023年結婚消費調查」，2023年最新數據與2022年資料大致相同，今年婚宴復常後，人情公價依舊維持不變，高級酒店維持在$1500左右，一般酒店，酒樓、私人會所及特色婚宴場地以同樣則維持在$1,000，金額維持4年不變。
來源：LIHKG討論區
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
