以往要報名參加康文署康體活動都有啲麻煩，要郵遞申請或親身於清晨到不同訂場櫃枱排隊輪候報名，但自從全新嘅智能康體服務預訂資訊系統SmartPLAY（康體通）於11月9日啟用後，要預約康文署場地已經方便容易好多，而為配合呢個新系統，連報名參加康文署嘅康體活動，由今個月起都有新安排，詳情係點呢？
============
同場加映：
【家居達人】專家教你如何檢驗二手車(上)！ 驗咩位置最重要？點分辨事故車？
============
為咗配合SmartPLAY系統啟用，康文署更新咗康體活動報名嘅安排。康文署於明年1月份起舉辦嘅訓練班及康樂活動，會以抽籤方式接受報名，用戶只需喺每月嘅首7日遞交一份電子抽籤表，即就可以申請報名參加由18區康樂事務辦事處、水上活動中心、屯門康樂體育中心及綠化運動組於翌月舉辦嘅活動，即如果要參加明年一月份嘅活動，最遲本周四要交表喇！至於由明年2月份起舉辦嘅體育比賽，用戶只需於每月8日至14日遞交1份電子抽籤表，便可報名參加兩個月後舉辦的體育比賽，省卻需要遞交多份報名表的時間，即若想參加兩個月後嘅比賽，最快12月8日至14日便要交表。而每份電子申請，最多可以選擇10項訓練班及康樂活動/10個體育比賽，最多可獲得分配3項訓練班及康樂活動/3個體育比賽。
康文署於明年1月份起舉辦嘅訓練班及康樂活動，會以抽籤方式接受報名，用戶只需喺每月嘅首7日遞交一份電子抽籤表，即如果要參加明年一月份嘅活動，最遲本周四要交表喇！
每份電子申請，最多可以選擇10項訓練班及康樂活動/10個體育比賽，最多可獲得分配3項訓練班及康樂活動/3個體育比賽。
「新申請者」優先抽籤安排
市民可在截止入籤前，隨時更改抽籤申請表內的選項。中籤者會收到電郵及SmartPLAY嘅通知，並需在指定時限內電子繳費或確認。但系統不會以郵遞通知中籤結果，市民應留意SmartPLAY系統發放的抽籤結果。若康體活動仍有餘額，所有市民均可以先到先得的方式報名，但不可與已成功報名嘅活動時段重疊。
康文署公布「新申請者」優先抽籤嘅安排，將由器械健體訓練班，推展至所有訓練班及康樂活動，僅即場報名及專為殘疾人士舉辦嘅活動除外。「新申請者」指過去一年未曾參加康文署舉辦嘅同類型及同階段活動／訓練班，則可獲優先抽籤及取錄。如有餘額，會分配予「非新申請者」。康文署公布「新申請者」優先抽籤嘅安排，將由器械健體訓練班，推展至所有訓練班及康樂活動。
康文署亦提醒尚未登記成為用戶嘅市民，可透過康文署約240個康樂場地（包括各區康樂事務辦事處），設立嘅375個SmartPLAY智能自助服務站，以一次過完成登記、身分認證和啓動帳戶。亦可透過新系統專題網頁或App登記，再使用「智方便」作身份認證，即時啟動SmartPLAY帳戶。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
《社群狂歡大激賞》！送hellolulu最新系列袋款🎁！
