踏入12月，聖誕節又快到，仲未執衣櫃換季嘅話，真係要做嘢喇！好多時遲遲唔開始換季執衣櫃嘅原因，就係因為個衣櫃太多嘢太混亂，一見到就一頭煙，唔知點開始搞……有日本收納師教咗4 個斷捨離衣櫃收納方法，實行既快又靚，令衣櫃更好用！
============
同場加映：
【家居達人】滅蟲專家教路！拆解全港床蝨危機 床蝨緊急處理步驟、蒸氣機滋生其他蟲？有貓狗點算？
============
日本收納整理師須藤昌子都明白換季要將衣服搬嚟搬去，真係費時又辛苦，所以提出咗一種省力嘅換季衣櫃收納法。首先，有4類衣物要狠心斷捨離：
1.為鼓勵自己滅肥而買嘅「瘦身希望衣」
有啲人喺減肥期間，會購買呎吋比較細啲嘅衫，目的係鼓勵自己喺努力減肥、瘦咗之後就能夠着得落！但居家整理教練Phyllis喺著作《零雜物》入面建議，要預留呢啲「瘦身希望衣」時，最好先訂出一個時間表，如果時間到咗仲係着唔落嘅話，就唔好再保留。
好多人都會買咗啲細碼嘅衫，諗住迫自己減肥……不過如果發現事與願遺，就應該狠心丟咗件瘦身衫喇！
2.放咗3個月都無再穿過嘅衣服
衣櫃入面有好多三個月內無穿過嘅衫嗎？簡約生活實踐家吳敏恩喺《家的樣子，你的樣子》中分享，三個月相當於一個季節，若整季都喺度穿嘅衫，好大機會明年都仍然會再攞返出嚟着；但如果有衫係超過三個月都無掂過，就好有可能明年同一季節，都唔會攞出嚟着，呢類衫其實就可以唔使再留。
相103 若果啲衫整季都無攞過出嚟着，其實都要考慮吓不如狠心丟棄。
3.着咗無令外表加分嘅衫
你有無試過：有啲以前着過又鍾意嘅衫，等到今年再攞返出嚟，卻有啲睇唔上眼兼唔想再着嘅情況呢？日本時尚設計師横森美奈子指出，每個人嘅氣質都會隨住時間而變化，就算係睇起上嚟仲好有型嘅衫，放耐咗都會有可能變成「不能加分的服飾」，咁呢啲衫無謂再放喺衣櫃，不如盡快淘汰啦！
4.特定場合先會着嘅衫
極簡生活實踐家暨推廣者末羊子喺《末羊子的極簡日常提案》一書中提到，決定丟唔丟衣服嘅時候，其實件衫啱乜嘢場合着、着過嘅次數都係關鍵，好似買嚟去婚宴嘅「飲衫」，就算仲着得落，但要考慮吓嚟緊係咪仲有咁多婚禮或派對要去，係咪真係咁多機會會着到？如果使用程度低，不妨就把狠心將件「飲衫」放入斷捨離名單。
如果發現件「飲衫」已經無乜機會着，都不如狠心地丟咗佢！
而放入衣櫃，亦有兩款收納方法，長遠嚟講比較慳力：
1.衣服統一吊掛收納
須藤昌子指出，收納時宜將當季嘅衫擺喺衣櫃中間，非當季嘅衫就掛喺左右兩邊，咁樣每次想要換季時，只需要將衫由中間移到衣櫃兩側即可，慳咗好多要喺衣櫃入面翻來翻去搵衫嘅時間及麻煩。
日本收納達人話收納時宜將當季嘅衫擺喺衣櫃中間，非當季嘅衫就掛喺左右兩邊，咁樣每次換季時就更慳時間。
2.善用收納籃，依季節分類
可以準備幾個收納籃，依照唔同季節，或者衣物嘅類型嚟分門別類，用折疊嘅方式放喺衣櫃中間。例如冬天時，就將裝住冬天衫嘅收納籃放喺靠近外側、比較易攞到嘅地方；等到衣櫃又要換季時，只要把對應當時氣溫嘅服裝籃搬出嚟，就可以省時間又輕鬆地完成衣櫃換季，唔使再好似以前咁要翻箱倒櫳啦！
用收納籃依照唔同季節，或者衣物嘅類型嚟分門別類，用折疊嘅方式放喺衣櫃中間，日後換季時亦會慳時間。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
