$2乘車優惠推行12年，近年卻有市民為了慳錢，冒用長者/殘疾人士八達通乘搭交通工具！最近有港媽在社交平台上分享搭巴士時的所見所聞，她表示當日行車途中，司機突然停下巴士走到上層，指住一名年輕男子說「用咗長者咭」，並要求對方補回應付的車資。事件引發網友熱議，有人大讚司機舉動，亦有網友認為罰太輕，「只係補差價，一啲懲罰性都冇」、「要罰一萬，及收咗佢張老人八達通」。
該港媽於Facebook群組「青衣街坊吹水會」發文，表示早前搭城巴948路段返青衣時，司機中途突然停下巴士走到上層，指住一名年輕男子說「用咗長者咭」，並要求該名男子「落車 再一次拍正價卡」。隨後港媽又在文中補充道，指除了該名年輕男子，當時她還看到一名排在她面前、目測約40歲女子，同樣是使用$2乘車優惠。
此帖一出即引起熱議，不少人大讚司機「做到嘢」、「做得好，我交稅唔係俾呢啲人呃搭兩蚊車」。不過也有網友認為其罰則未免太輕，「調查人員捉到違規使用兩元八達通，只是叫其補回差額就算」、「只係補差價，一啲懲罰性都冇，所以咁多人博懵囉」，直言這樣做完全沒有阻嚇力，並在留言中紛紛提議「要罰一萬，及收咗佢張老人八達通」、「捉到應該要罰重啲， 要守規則，做人的基本法」。
另外也有網友認為港媽太過「以貌取人」，指除了長者外，傷殘人士也有$2乘車資格，她在文中所提及的40歲女子有可能是傷殘人士，直指港媽不應該以外表年齡來判斷受惠資格，「目測嗰位女士係咪用緊傷殘人士八達通？」、「2蚊可能係有傷殘證」、「有啲殘疾人士係冇樣睇」。
現時香港四家巴士公司（包括城巴、新巴、九巴及龍運）一直按港府指引，要求疑似不合資格使用$2乘車優惠計劃的乘客出示身份證明文件，並要求違規者繳付全額車資/恰當車資。而港鐵方面，亦在今年6月起展開全港執法行動，加強查票、分析整體逃票趨勢及審視個別車站的逃票情況，打擊違規使用$2乘車優惠，重鐵的罰款由$500增加1倍至$1,000，輕鐵和港鐵巴士的罰款則由$290上調至$370，以加強阻嚇力。
來源：FB@青衣街坊吹水會
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
