抬棺材就可以日賺$2000？早前有港男在香港討論區轉發了2張招聘廣告截圖，內容表明只需抬棺材，日薪即可高達$1,900-$2,000不等，而且符合1個要求即可申請！帖文引發網友熱烈討論，有人認為是「筍工」，也有網友認為其薪水高得離譜，質疑是虛假招聘廣告，即入內睇睇啦！
有港男在香港討論區以「枱棺材屍體日薪$1,900至$2,000，睇嚟都係流料，無覆我」為題發帖，並上傳了2張Facebook群組招聘廣告截圖。從截圖見到，第一則招聘廣告寫道「殯儀館夜班招人，每日2,000，長期要，只需要抬棺，膽小嘅咪嚟」，而另一則寫道「長期招聘搬屍工，1,900一日，即日出糧，幫手抬棺，膽小咪嚟，心理素質強，唔怕屍體嘅來」。
點擊圖片放大
隨後港男在底下留言補充道，指已經WhatsApp私訊對方見工，並表明自己「急需要金錢，請給我試工的機會」，又表示只要對方有回覆就會去試工，「做完又頂得順既話，辭左份夜班9碼保安，晚晚去抬屍啦，返26晚有5萬2蚊人工」。
帖文一出，即引來大批網友熱論，有人認為是筍工，並留言表示「唔差喎」、「行得正企得正，返呢啲工都唔怕啦」。但亦有網友認為該職位薪水高得離譜，「邊有咁多棺材」、「呢d廣告真係見人見智」，並指出近年網上求職騙案不絕，質疑是虛假招聘廣告，提醒樓主找工作時要小心，「Facebook好多Post都係流料黎，去返正式求職網搵工比較好」、「好多都係假招聘請人，拎個人資料」、「全部都係覆份工無啦。 跟隨轉移介紹你去投資加密貨幣/區塊鏈之類」，當中更有熱心網友分享一張勞工處App招聘廣告截圖，可見現時「支援服務助理（須兼殮房工作）」月薪並不高，每月只有$16,908-$21,663。
點擊圖片放大
來源：香港討論區
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
