公屋獲派觀塘區「劏房」?1原因無得裝洗衣機 屋邨主任講明偷裝要自行負責...

文: 黃樂恩
2023.12.24

原來公屋都有「劏房」?早前有港女發文訴苦,稱家中長者輪候公屋多年,近日首派獲派到觀塘德田邨的一人單位,但睇樓當日才發現該單位是「劏房」,並未設有洗衣機去水位,屋邨主任更表明「唔可以自己偷偷地裝洗衣機,造成樓下滲水就要自己負全責」。帖文引發網友關注,不少人力勸樓主「唔好要」,並留言表示「唔俾裝洗衣機,叫人落街洗?好無腦啫」、「老人家好多錢好有力呀?下下要攞落樓洗衫」。

最近有女網民在Facebook群組「公屋討論區」投稿,指自己為家中長者申請公屋,日前首派觀塘區的一人單位,從她上傳的照片見到,家中獨居長者被獲派德田邨德瑞樓一個小單位,每月租金為$733。但由於該單位為「劏房」,並未設有洗衣機去水位,屋邨主任當天更表明不能安裝洗衣機,並表示「驚到時去水承受唔到會搞到下層滲水」、「造成樓下滲水就要自己負全責」。樓主聽到後感到非常無奈,只好在網上發文詢問「咁樣會唔會係合理拒絕理由?」

此帖在網上引起熱議,網友意見不一,有部分人認為「無得安裝洗衣機」不是合理拒絕理由,並建議樓主可以幫長者購置一部迷你洗衣機、厚重衣服拿到附近洗衣店清洗,或是購買一部高水位洗衣機,再自行搭喉到廁所去水位即可解決問題。但也有不少網友認為樓主今次只是首派,即使放棄也沒有損失,並指出房署其設計相當有問題,就連洗衣機這種基本設備都不能用,竟然要老人家自行手洗衣物,再用手扭乾後才能晾衣服,「無洗衣機仲慘過無飯食」、「無洗衣機,2023年,唔係1923年,叫人點住呀!」、「老人家好多錢好有力呀?」

而樓主亦有對此回覆,她表示已替長者拒絕今次編配,並在留言中直指房署根本沒有考慮入住者情況,「夏天幾件單衣手洗都可以,咁冬天啲厚衣大褸呢?落街洗?一個獨居長者點樣拎到一大袋厚衫去洗?跌到整親點算?」雖然有網友建議她購買高水位洗衣機,但她直言不想「老人家次次洗衫都擔驚受怕」,最後更在留言中大呻「明明係佢設計有問題,都要屈機扣一次就好無奈」。另外也有網友感到不解並留言詢問,「公屋劏房?」、「有公屋設計唔俾裝洗衣機嘅咩?我未聽過喎咁多年」、「有劏房派咁趣怪?」隨後有網友解釋道,指房署現時的確有一些大單位改裝成一人單位,每個單位面積約160呎,屋內有獨立廁所、開放式廁所,「佢預人單位咁細唔會擺洗衣機,一人獨居唔係好多衣物手洗都得」、「分隔單位(即係將一個大單位當成好多間一人住房)」。

來源:FB@公屋討論區

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓