大家近期有無發現，喺某啲行人過馬路處，頭頂會有紅燈，令等過馬路嘅人「紅」運當頭呢？原來呢個為提升行人安全嘅裝置試驗喺試驗期間，確實起到作用，所以運輸署表示將於明年底於全港加裝至約100個呀！
============
同場加映：
【家居達人】專業收納師出手！教你點樣清潔整理辦公室工作枱
============
運輸署自去年7月起，在4個行人過路處，包括銅鑼灣波斯富街／富明街、荃灣街市街近仁濟醫院、沙田正街近沙田市中心巴士總站，和九龍塘窩打老道／禧福道的行人過路處，試行安裝呢款新型輔助裝置，有關裝置會喺「紅色人像」燈號亮起時，將紅光投射到行人路嘅等候位置上，透過由地面或手機反射嘅紅光，提醒行人燈號正亮著，唔可以橫過馬路，呢款裝置特別係針對經常手機不離手、無睇行人過路指示燈嘅「低頭族」，切勿喺紅燈時唔小心衝過馬路。
近年愈來愈多掛住玩手機嘅低頭族，邊過馬路邊玩手機，相當危險，成為呢個紅燈投射過路設置針對嘅對象。
署方聘請香港大學嘅專業學術團隊就輔助裝置喺提升行人安全方面嘅成效進行評估，包括觀察、分析及比較輔助裝置安裝前後，對行人過馬路行為嘅影響，以及透過現場問卷調查收集行人和持份者（如附近商鋪）嘅意見，結果成效正面，有關違反燈號過馬路嘅行人減少約25%。而為咗配合「地區治理專組」有關「改善行人設施、確保道路安全」策略方針，署方聯同機電工程署，將會喺全港各區共約100個行人過路處黑點，或過往較多出現車輛與行人碰撞意外嘅交通燈控制路口，安裝呢款投射紅光輔助裝置，有關安裝工程已於今年11月陸續開始，預計喺2024年底前完成。
運輸署聘請香港大學嘅專業學術團隊就輔助裝置喺提升行人安全方面嘅成效進行評估，成效正面，有關違反燈號過馬路嘅行人減少約25%。
運輸署將會喺全港各區共約100個行人過路處黑點，安裝呢款投射紅光輔助裝置，預計喺2024年底前完成。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
