電話詐騙｜28/12實施短訊發送人登記制 23個獲認證電訊商短訊將以「#」號開頭

============
同場加映：
【家居達人】專業收納師出手！教你點樣清潔整理辦公室工作枱

============

新制率先於電訊業實施，已獲認證嘅發送人會以「#」號開頭嘅名稱發短訊。首批已有23間主要電訊服務供應商參與，包括1. 中國移動香港有限公司（#CMHK、#CMHK_SIM)、2. 香港移動通訊有限公司）（#1010、#csl)、3. 和記電話有限公司(#3HK、#SoSIM)、4. 數碼通電訊有限公司(#SmarTone、#SMC Plus)等，電訊網絡將逐步攔截並非由獲認證的但打上「#」的短訊，但因推行及更新需時，初期可能仍有無「#」短訊發出，料需4個月時間過渡。巿民嘅手機毋須做任何設定或下載應用程式，已經可以睇到短訊前有「#」號。

「短訊發送人登記制」首批已有23間主要電訊服務供應商參與。

下周四（12月28日）起實施「短訊發送人登記制」後，已獲認證嘅發送人會以「#」號開頭嘅名稱發短訊，屆時巿民嘅手機毋須做任何設定或下載應用程式，已經可以睇到短訊前有「#」號。

以「ABC」通訊商為例，如登記名稱為「#ABC」，則他人唔能夠使用同一名稱發短訊。即使有人意圖以相似名稱，如「#ABD」、「#ABE」發短訊，若未經登記，巿民亦唔會收到，料可堵截有人「冒名」；另已登記嘅名稱會上載至通訊辦網頁，巿民可自行查閱。通訊辦助理總監(規管)湛兆仁指至於金融行業發出嘅短訊，預計明年第一季可加入制度。而WhatsApp及WeChat等平台，因非受規管電訊商，現不受限制。海外電訊營辦商如欲登記，也需在本地持牌，才能納入「#」制度。

通訊辦又提醒市民，喺任何情況下，當收到陌生人發送嘅短訊時，都應提高警惕，絕對唔可以向身分未經核實嘅短訊發送人披露任何個人、銀行戶口或信用卡資料、轉帳金錢或開啓短訊內嘅超連結，以免蒙受損失。如有任何懷疑，應立即向警方舉報。

通訊辦又提醒市民，喺任何情況下，當收到陌生人發送嘅短訊時，都應提高警惕，如有任何懷疑，應立即向警方舉報。

text/Joyce
photo/HKET圖片庫