每到年尾，聖誕假期同新曆新年假期只相差一星期，好多人都會乘機攞多幾日假期，自製長假期方便外遊。究竟嚟到2024年，有邊啲公眾假期日子，係最方便打工仔攞多幾日假就可以自製長假嘅呢？真係要快手啲Plan定，以免同同事爭假期請假時爭輸呀！就算閣下份工放勞工假，原來2024年係會多咗2日假㗎，究竟係邊兩日呢？
============
同場加映：
【家居達人】$12店8款新上架廚房小幫手 秒速搣橙、靚煮法式奄列
============
29/3-7/4 復活節加埋清明節 請3日放10日假
今年嘅復活節及清明節日子好接近，打工仔只需要攞4月2日、3日及5日呢三日假，連同耶穌受難節（3月29日）、耶穌受難節翌日（3月30日）及復活節（4月1日）3天假期，連同4月4 日清明節，及3月31日、4月6日及7日周末紅日，即可連續放10天假期。如果諗住去日韓賞櫻花，真係要快手搶定呢幾日假期呀！
若果諗住4 月初去日或韓賞櫻，不妨利用復活節加埋清明節可以請3日放10日假嘅優勢，快手攞假喇！
10/2-18/2 農曆新年 請3日放9日假
2024年嘅農曆年假期為2月10日至13日，如果攞埋2月14日、15日及16日三日假，連同17至18日嘅周末及周日，即可連續放9天假期。
如果諗住想趁農曆年假去滑雪，又要快啲攞假喇！
21/12-29/12 聖誕節 請3日放9日假
而望遠一啲，年底嘅聖誕節假期及聖誕節後第一個周日為12月25日及26日（星期三及四），各位打工仔只需攞12月23日、24日及27日三日假，連同21日、22日及28日、29日呢四個周末紅日，亦可享受9天假期。
今年聖誕剛過，如果諗住明年喺外地過聖誕，要計劃吓攞假喇！
同樣係星期三嘅勞動節、佛誕及中秋節 都可以請2日放5日假
如果只想要幾日短假，咁2024年勞動節、佛誕及中秋節，都可以造到只需請2日即可自製5天短假期。當中勞動節假期係5月1日（星期三），連同4月27及28日或5月4日及5日嘅周末紅日，請4月29及30日，或5月2日及3日，即可享有5天假期。
而5月15日（星期三）嘅佛誕亦係同樣情況，向前看，攞5月13及14日嘅假，連同5月11至12日嘅周末周日，就有日假。或者向後看，攞5月16及17日假，連同5月18及19日嘅周末周日，亦有連續5日假。至於中秋節翌日假期為9月18日，亦係星期三，所以都係只需攞前或後嘅兩日假，加埋周末周日，亦可連續放假5天。
想偷閒幾日去泰國搵間resort游吓水做吓spa，不妨諗吓今年同樣係星期三嘅勞動節、佛誕及中秋節喇。
勞工假多咗一日
若果閣下公司係放法定假日（又稱勞工假期）嘅話，法定假日會逐步遞增至2030年嘅17日，自2024年起，「聖誕節後第一個周日」將加入法定假日，即2024年共有14日法定假日。
【INFO】
政府在憲報公布的2024年公眾假期
網址：https://bit.ly/3MvLUnn
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
