對唔少港人來講，買六合彩只是想買一個發達的希望！不過，日前就有人於社交平台發文控訴，直指香港六合彩攪珠分明造假，「幾次冇人中頭獎，連二獎都少人中或唔中」，並在文中揚言自己不會再買六合彩。相關帖文在網上引發熱烈討論，網友反應兩極，有人支持樓主看法，「一早已經覺得內定」，亦有網友認為買六合彩亦要靠賭運彩數，笑言「老實講你唔中，唔代表人地唔中㗎」！
最近Facebook群組「大埔 TAI PO」上，有人發文控訴香港六合彩攪珠越來越假，他指出近期六合彩投注額過千萬，但還是常常沒人中頭獎，「幾次冇人中頭獎，連二獎都少人中或唔中」。樓主補充道，「每一次六合彩投注幾千萬，香港人D錢好易賺」，形容在香港買六合彩好「搵笨」，並在文中揚言自己不會再買六合彩，寧願把錢花在「買燒賣魚蛋食好過」。
帖文一出，立刻引發熱論，網友看後反應兩極，有部分人認同樓主的看法，紛紛留言表示「香港六合彩不嬲搵笨，投注額大獎金又少」、「同意！我都唔買了我都有咁樣懷疑」、「佢有冇做手腳我地都唔知。但經常出現呢種現象我就覺得奇怪姐」、「只要你有部電腦確實係可以點做都得」、「以今日的科技，控制開出號碼，相信一定可以做到！」
但亦有網友認為六合彩並沒有造假，「AI要揀唔中嘅六個號碼，都唔係簡單」、「你買得中呢堆號碼，唔通佢唔派彩？」、「咁易中馬會執X咗啦」、「冇人買咪冇人中囉」，並指出想中頭獎並不容易，機會率是千萬分之一，紛紛建議樓主「去了解下六合彩個機率」。
來源：FB@大埔 TAI PO
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
