垃圾徵費｜如果無用指定垃圾袋 管理公司會否查出係邊戶？管理費入面會否包埋垃圾袋費？

============
同場加映：
【家居達人】專家教你檢驗二手車(下)！ 引擎、冷氣要點驗？踢爆賣家蠱惑招數

============
垃圾徵費將於4月1日實施，屆時家居住戶棄置垃圾時，需使用指定垃圾袋。香港物業管理公司協會前會長陳志球表示，若有人違規無使用指定垃圾袋嘅話，因垃圾已經丟入垃圾桶或垃圾槽，物管公司及清潔公司係難以搵出違規住戶，故只會購買較大嘅指定垃圾袋，裝好違規垃圾。至於咁樣做，會唔會擔心有人依賴物管公司「包底」，陳志球則表示相信香港市民質素高兼支持環保，唔需要太擔心。他亦指出唔少物管公司已經開始與大廈管理組織商討，物業管理業監管局亦有就此提供指引，物管公司唔會透過收取管理費向住戶派發指定垃圾袋，否則將違背「污染者自付」嘅政策原意。

香港物業管理公司協會前會長陳志球表示，若有人違規無使用指定垃圾袋嘅話，物管公司及清潔公司係難以搵出違規住戶。

物管公司唔會透過收取管理費向住戶派發指定垃圾袋，否則將違背「污染者自付」嘅政策原意。

至於有啲屋苑嘅管理費內，原本已包含垃圾膠袋，但現時管理公司唔再派發，相關費用會如何處理？陳志球指膠袋費用只佔管理費很小比例，會與立案法團商討，但佢亦表示垃圾徵費落實初期，的確需要撥出費用，購買較大嘅指定垃圾袋，處理違規垃圾。陳志球又指，正與政府試驗指定垃圾袋嘅質量，包括測試經垃圾槽由高處丟下垃圾，會否散開，暫時效果理想。

text/Joyce
photo/HKET圖片庫