一切自有天意？有網民日前在舊屋邨遇到正丟棄垃圾的老婦，眼見婆婆「揼咗一袋又一幾嘅黑色大垃圾膠袋，其中有一個紙箱有一堆舊信封、舊file」，打開後發現有版票、用過的英女皇郵票、九鐵紀念票等。識貨的網民帶回家整理後，未計一本一本的版票已清算出逾14萬張郵票。
近日有網民在Facebook群組「90年代回憶 (新版)」分享自己的奇遇，到舊屋邨見朋友卻意外「執到寶」，當中包括大量女皇郵票、火車票、地鐵車票等。根據網民憶述，當日去探訪朋友，一出升降機就巧遇丟棄舊物的婆婆。網民好奇心使然下打開了黑色垃圾袋，竟然從中找到一大堆英女皇郵票，數量之多竟然有超過14萬張！樓主估計藏品價值約一萬港元。
點擊圖片放大
或許冥冥中自有安排，該名網民感嘆：「睇得出呢個原收藏者真係熱愛收藏郵票同埋車飛。而家機緣巧合下我就繼承咗呢一批收藏，將佢呢啲收藏品傳承下去。最後真係覺得當下好好彩有比我遇到，唔係嘅話呢啲過幾日就會攞去堆填。」
帖文旋即引來群組內喜愛90年代的舊物舊回憶的網友熱議，有網友不禁婉惜：「整理得好整齊，儲果個真喺好有熱誠，可惜仙遊左」、「有啲係全新未用過。 好有紀念價值」、「除了價值也是收藏家的小心思」、「應該是伯伯的靈魄守護著呢堆野，先會傳到俾你」、「好彩有你，唔係就化為灰燼。」
有人問到：「有冇小小心意比婆婆？」，該網民表示：「我有想畀，婆婆話唔使。 佢話幫手清咗啲垃圾就Ok。」
部分郵票已使用過，相信是原物主從信封上剪下來整理收藏，有網友大讚「先生仲整理得好好，使用過，泡水再壓直，十分完整。」不少網友寄語希望樓主可以好好保存，傳承伯伯的收藏，亦有人建議將部分捐給博物館展出。
點擊圖片放大
來源：Facebook
同場加映：【香港周圍遊】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【免費送💝】ghd限量冰藍美髮造型夾✨
↓一機兩用 雙效熱風造型！↓
