工人姐姐同時借4間財仔唔肯認 港媽慘遭追數！炒人要賠錢感無奈
家中工人姐姐欠「財仔」，僱主應該點算好？本周三（10日）有港媽在Facebook群組「聘請工人姐姐關注組」發文慘呻，指家中外傭聲稱幫朋友向4間財務公司借錢，又用護照做抵押借了$5000，前後合共借取過萬元，讓港媽感到無奈又生氣，並在網上發文詢問其他網友「你地會點做？係未即炒？」
該名港媽在社交平台上發文表示，稱外傭姐姐已到家裡工作1年半，目前還剩下半年合約，但對方的工作表現一向不好，「請佢時乜都話識，但嚟到原來係一張白紙」，而且其個人衛生意識非常差。不過，由於聘請新的外傭費時費力，所以港媽對外傭的所作所為只好忍得就忍，「請過個又要洗一舊錢，仲要唔一定好過佢，心諗博唔過」。
直到半個月前，港媽發現不斷有陌生人致電家中指明要找外傭，隨後更收到多封財務信，「連續3日有人打電話嚟屋企搵佢，我話無呢個人，打錯 。跟住就收到財務信，收完一間又一間」。當時港媽已察覺不對勁，便馬上詢問外傭是否向「財仔」借錢，但對方卻堅決否認。
一開始港媽也不以為然，沒想到財務公司卻變本加厲，「每日比人玩電話，打嚟唔出聲，收線又響，實在好困擾」。這時候外傭才承認自己有向「財仔」借錢，「護照拎左去抵押借咗$5000」，並向港媽解釋是「幫朋友借」，她聽到後感到無奈又生氣，不禁在文中大呻「大佬呀！幫朋友借唔好用我地址電話吖！」
隨後港媽補充道，指外傭除了用護照做抵押，又分別在另外4間「財仔」借了近萬元，「第一間$2559，第二間$3300，第三間$2193，第四間$1640」，她直言「根本佢份人工無可能還到，你話點還？還邊間？」並在網上發文詢問其他網友「你地會點做？係未即炒？炒佢要賠，一個月比佢條氣唔順」。
事件引來大批網民關注，不少人對港媽情況深表同情，直指外傭在短時間借了那麼多錢，分明是存心借錢不還，一致建議她不要心軟「立即炒」。同時也有網民提醒港媽要小心，指一些外傭會為了還債不擇手段，甚至做出偷竊、勒索等違法行為，「當人去到山窮水盡嘅時候，佢就開始會諗辦法點樣去得到更多錢」、「小心佢一時諗唔開係屋企自殺，或者帶小朋友去財務公司暫住等你哋帶錢贖人」、「聽聞有啲藥房仲會收日用品，漂白水洗潔精嗰啲，又咪係攞你屋企嗰啲出去賣」。
但亦有網民分享經驗，指出該名外傭借貸金額並不大，建議港媽不妨先觀察外傭的表現，若對方有持續還款，這樣就不用「即炒」兼賠償1個月代通知金，「佢地自己借錢我地管唔到的，好多都自己肯還錢的，不用理會了」、「你都忍咗咁耐，忍埋佢半年啦」、「睇吓你仲要唔要佢，如果要佢，每月出糧比佢後，叫佢7-11 還錢，有張收據比你睇」。
來源：FB@聘請工人姐姐關注組
港生活人氣本地熱話
↓【限時搶⚡】factiv CAT1 離子保濕潔膚乳↓
↓潔面、保濕、修復三效合一｜持續保濕洗面後不繃緊↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
